Mariya Stadnik ikinci dəfə dünya çempionu oldu - FOTO

Qazaxıstanın paytaxtı Nur-Sultan şəhərində güləş üzrə dünya çempionatı davam edir.

Bakupost.az xəbər verir ki, qadın güləşçimiz Mariya Stadnik final görüşünə çıxıb.

İdmançımızın rəqibi rumıniyalı Emilia Alina Vuç olub. Görüş 13:0 hesabla, Mariyanın qələbəsi ilə başa çatıb.Bununla da güləşçimiz ikinci dəfə dünya çempionu adına layiq görülüb.

Qeyd edək ki, Mariya Stadnik təsnifat mərhələsində Miessiney Mersi Genesisi (Nigeriya) 10:0, 1/8 finalda Sima Simanı (İndoneziya) 9:2, 1/4 finalda Yekaterina Poleşçuku (Rusiya) 11:0, 1/2 finalda isə Yanan Sunu (Çin) 6:4 hesabı ilə üstələyib.