Elton Con avtobioqrafik kitabında Maykl Ceksonu ruhi xəstə kimi təqdim edib.
BakuPost xarici mediaya istinadən xəbər verir ki, məşhur ingilis müğənnisi Elton Con, Ceksonu 13-14 yaşından tanıdığını söyləyib:
“Çox cazibədar uşaq idi. Amma Elvis Presli kimi özünü bir anda reallıqdan uzaqlaşdırmağa başladı”.
Müğənni daha sonra həmkarı haqqında bu fikirləri söyləyib: "Onun başında nələr olduğunun, nə həblər qəbul etdiyini Allah bilir. Ancaq son illər onu hər dəfə görəndə düşündüm ki, o, o tamamilə kontroldan çıxıb. Cekson həqiqətən ruhi xəstə idi”.
Xatırladaq ki, Maykl Cekson dəfələrlə pedofiliyada şübhəli bilinib. 1993-cü ildə müğənni fanatı olan və çox vaxt Neverlanda qonaq gələn 13 yaşlı Cordan Çandlerə təcavüz etməkdə ittiham olunurdu. Bu hadisə 2003-cü ildə yenidən təkrarlandı. Cekson bu dəfə də 13 yaşlı Geyvin Arvizoya cinsi təcavüz etməkdə günahlandırıldı. Lakin hakimlər yetərli dəlil tapa bilmədikləri üçün müğənnini azad etməyə məcbur olmuşdu.
2019-cu ilin mart ayında HBO, Ceksona qarşı yeni pedofiliya iddialarına istinad edən “Leaving Neverland” sənədli filmini nümayiş etdirdi.
Günel Musa
BAKUPOST