"Megafun"dakı partlayışda 10 nəfər xəsarət aldı - RƏSMİ, YENİLƏNİB

  • 22 İyn 2019 23:24
  • 13684 Baxış

<"Megafun" Əyləncə Mərkəzində helium şarlarının partlaması nəticəsində 3 nəfər yanıq xəsarəti alıb.
Səhiyyə Nazirliyi Mətbuat xidmətinin rəhbəri Pərviz Əbubəkirovun verdiyi məlumata görə, 53 yaşlı qadın və 54 yaşlı kişi (ər-arvad) hər iki ətrafın yanığı, 21 yaşlı oğlan isə sağ əlin yanığı diaqnozu ilə Respublika Yanıq Mərkəzinə yerləşdirilib.
Məlumata görə, daha 7 nəfərə hadisə yerində tibbi yardım göstərilib.div>








***

Fövqəladə Hallar Nazirliyinin (FHN) "112" qaynar telefon xəttinə daxil olan məlumata əsasən, Bakı şəhərinin Xətai rayonunda "Megafun” əyləncə mərkəzinin 2-ci mərtəbəsində helium şarlarının partlaması nəticəsində ani alışma baş verib.



FHN-in mətbuat xidmətindən BakuPost.az-a verilən məlumata görə, dərhal nazirliyin Dövlət Yanğından Mühafizə Xidməti və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.

Yanğın hadisəsi baş verməyib.



Xəsarət alan 8 nəfərə (3-ü uşaq) ilkin tibbi yardım göstərildikdən sonra evə buraxılıblar. 

 

 ***

 

"Megafun" Əyləncə Mərkəzində insan tələfatı və yanğınla nəticələnən
partlayışın baş verməsi ilə bağlı yayılan məlumatlar həqiqətə uyğun
deyil.


Bunu BakuPost.az-a Bakı Şəhər Baş Polis İdarəsinin Mətbuat xidmətinin rəisi polis-mayoru Elşad Hacıyev məlumat verib.



O
bildirib ki, həmin əyləncə mərkəzində ailə tədbirlərinin birində
asılmış helium şarları animatorların ehtiyatsızlığından partlayıb.
Nəticədə 2 azyaşlı və 4 böyük olmaqla 6 nəfər yüngül bədən xəsarətləri
alıb. Onlara tibbi yardım göstərilib və həyatları üçün təhlükə yoxdur.



Faktla bağlı animatorlar Xətai Rayon Polis İdarəsində dindirilərək izahatları alınıb.



Hadisə ilə bağlı araşdırmalar davam etdirilir.