10:55 / 21 Oktyabr 2021

Məktəblilər üçün yeni dərslik

2900

Azərbaycan Respublikası Təhsil İnstitutu tərəfindən 2021-2022-ci tədris ilində ilk dəfə tədris olunacaq V siniflər üçün təbiət fənninin dərslik komplekti hazırlanıb.

Bakupost.az xəbər verir ki, bu barədə İnstitutun direktoru Rüfət Əzizov məlumat verib.

Direktor bildirib ki, artıq dərslik komplekti paytaxtın bir neçə məktəbində pilot sınağına təqdim edilib: “Dərslik komplektinin 2021-2022-ci tədris ilində ölkə üzrə 132 sinifdə sınaqdan keçirilməsi nəzərdə tutulub”.

R.Əzizovun sözlərinə görə, dərslik komplektinin hazırlanmasına 11 yerli mütəxəssis cəlb olunub. Müəlliflər üçün Sinqapurun “Alston” nəşriyyat evi tərəfindən bir sıra təlimlər keçirilib.

Dərslik komplekti hazırlanarkən təhsildə qabaqcıl ölkələrin təcrübələri dərindən araşdırılıb. TIMSS və PISA kimi beynəlxalq qiymətləndirmə tədqiqatlarının tələbləri nəzərə alınıb. Eyni zamanda, dərslik komplektində fəaliyyət əsaslı təlimə önəm verilib. Qeyd edək ki, dərslik komplektinə dərslik, iş dəftəri və müəllimlər üçün metodik vəsait daxildir.

Sevinc

BakuPost

Şərhlər

Seçilmiş Zəngimcell