MSK 4 dairə ilə bağlı müraciətləri etibarsız saydı - SİYAHI

"BakuPost" xəbər verir ki, müraciətlər barədə MSK katibi Arifə Muxtarova məlumat verib.

O bildirib ki, 88 saylı Göyçay, 51 saylı Qusar, 42 saylı Sumqayıt ikinci seçki dairəsindən daxil olan müraciətlər müvafiq olaraq DSK-ya geri göndərilib.

A.Muxtarova əlavə edib ki, 16 saylı Yasamal ikinci, 73 saylı Lənkəran şəhər, 121 saylı Laçın, 98 saylı Şəmkir şəhər dairə seçki komissiyaları ilə əlaqədar müraciətlər qanunla müəyyənləşmiş vaxtdan gec edildiyi üçün etibarsız sayılıb.

Bundan başqa, 34 saylı Xətai ikinci dairə seçki komissiyasından daxil olan müraciətə baxılıb. Müraciət barədə MSK üzvü İlkin Şahbazov məlumat verib. O bildirib ki, müraciət edən şəxslər iclasda iştirak etmək istəklərini ifadə ediblər. MSK sədri müraciət edənlərin iclasda iştirakını təmin edib.