22:09 / 19 Avqust 2019
"Neftçi" Azərbaycan Premyer Liqasında da xal itirdi
2771
Futbol üzrə Azərbaycan Premyer Liqasında I tura yekun vurulub.
BakuPost-un məlumatına görə, turun sonuncu matçında "Neftçi" "Sabah"ı qəbul edib.
"Bakcell Arena"da təşkil olunan qarşılaşma 1:1 hesabı ilə yekunlaşıb.
Görüşdə ilk qol 33-cü dəqiqədə vurulub. "Sabah"ın heyətində Rəşad Eyubov qapıçı ilə təkbətəkdən qalib ayrılıb. 40-cı dəqiqədə Soni Mustivar flaqmanın bərabərlik qoluna imza atıb. Görüşün ikinci yarısı qarşılıqlı hücumlar şəraitində keçsə də, tərəflər meydanı heç-heçə ilə tərk edib. Beləliklə çempionluğa iddialı "Neftçi" ilk turda iki xal itirib.