Prezident və xanımından Teymur Rəcəbova təbrik

  • 04 Okt 2019 22:33
  • 644 Baxış
Prezident və xanımından Teymur Rəcəbova təbrik
Prezident İlham Əliyev Şahmat üzrə Dünya Kubokunu qazanan Teymur Rəcəbovu təbrik edib.

BakuPost-un məlumatına görə, təbrikdə deyilir:

“Əziz Teymur,

Rusiyanın Xantı-Mansiysk şəhərində keçirilən Dünya Kuboku uğrunda yarışlarda qələbə qazanmağın münasibətilə səni ürəkdən təbrik edirəm.

Sən yüksək ustalıq, əzmkarlıq və iradə nümayiş etdirərək qazandığın bu qələbə ilə Dünya Kubokunun sahibi olan ilk şahmatçımız kimi Azərbaycan idmanının tarixində şanlı səhifə açdın.

Sənə ən xoş arzularımı yetirir, yeni-yeni qələbələr diləyirəm”.

Birinci vitse-prezident Mehriban Əliyeva da sosial şəbəkə vasitəsilə Rəcəbova təbriklərini çatdırıb:

"Azərbaycan növbəti böyük uğura imza atıb! Gənc istedadımız Teymur Rəcəbov şahmat üzrə Dünya Kubokunda ölkəmizi layiqincə təmsil edərək parlaq qələbə qazanıb. Bütün Azərbaycan xalqının sevincinə səbəb olan bu möhtəşəm qələbə münasibətilə Teymuru səmimi-qəlbdən təbrik edirəm!".