APOEL- “Qarabağ” oyunu yekunlaşdı.
BakuPost-un məlumatına görə, oyun APOEL-in qələbəsi ilə yekunlaşıb. Kipr təmsilçisi oyunun sonlarında qələbə qoluna imza ata bilib: 2:1.
Qeyd edək ki, qrupun digər oyununda Lüksemburqda “Düdelanj”ın qonağı olan “Sevilya” 5:2 hesabı ilə qalib gəlib. İspaniya klubu bununla da 1/16 finala vəsiqəni təmin edib.
***
Avropa Liqasının qrup mərhələsinin IV turunun APOEL - “Qarabağ” oyununda hesab dəyişib.
BakuPost-un məlumatına görə, Nikosiyada keçirilən matçın 59-cü dəqiqəsindən ev sahibləri status-kvonu bərpa ediblər. Lukas Souzanın zərbəsi dəqiq alınıb - 1:1.
***
Avropa Liqasının qrup mərhələsinin IV turunun APOEL (Kipr) - “Qarabağ” (Azərbaycan) oyununda hesab açılıb.
BakuPost-un məlumatına görə, matçın 10-cu dəqiqəsində Azərbaycan çempionu fərqlənib. Maksim Medvedev dəqiq zərbə ilə Ağdam təmsilçisini hesabda önə keçirib - 1:0.