Qasım-Comərd Tokayev Qazaxıstanın prezidenti oldu - DOSYE

1363
 
Bu gün Qazaxıstanın paytaxtı Astanada ölkə parlamentinin binasında keçirilən andiçmə mərasimində Qazaxıstan parlamentinin sədri Qasım-Comərd Tokayev Qazaxıstan prezidenti kürsüsünə oturub.

BakuPost Qazaxıstan mediasına istinadən xəbər verir ki, o, bu vəzifəni prezident müddətinin sonuna qədər tutacaq.

Qeyd edək ki, dünən Qazaxıstan prezidenti Nursultan Nazarbayev 30 ildən bəri icra etdiyi prezident vəzifəsini tərk etdiyini bildirib. 

Tokayev Qazaxıstan xalqına sədaqətlə qulluq edəcəyini, respublokanın konstitusiyasına və qanunlarına ciddi riayət edəcəyini bəyan edib.

Mərkəzi Seçki Komissiyasının sədri Berik İmaşev Tokayevə ölkə prezidenti vəsiqəsini, döş nişanını və prezident ştandartını təqdim edib.

Qasım-Comərd Kamaloviç Tokayev 1953-cü ilin may ayında Qazaxıstanın köhnə paytaxtı Alma-Atada (indiki Almatı) doğulub. Peşəkar diplomatdır. Fövqəladə və səlahiyyətli səfir vəzifəsində çalışıb. 1994-99-cu illərdə Qazaxıstanın XİN başçısı olub. 2011-2013-cü illərdə ölkəsinin baş naziri vəzifəsində çalışıb. 2013-cü ildə Qazaxıstan parlamentinin sədriydi. 

Tokayev siyasi elmlər doktorudur. Poliqlotdur.

ŞƏRH YAZ
Şikayətinizi bizə yazın
Xəbərlərinizi bizə göndərin
WhatsApp: +994772701199

XƏBƏR LENTİ

Bütün xəbərlər
Bütün xəbərlər