Rusiya ələndi: Avropa Liqasının 1/16 finalına düşdü

Səfərdə Türkiyə “Sivasspor”nu 1:0 hesabı ilə yenən İspaniyanın “Vilyarreal” klubu ilk pilləni və 1/16 finala vəsiqəni təmin edib. İkinci vəsiqəyə “Makkabi” və “Sivasspor” iddialıdır. Dekabrın 10-na təyin olunmuş “Makkabi” – “Sivasspor” görüşü ərəfəsində israillilər 8, sivaslılar 6 xal yığıb.

3 dekabr oyunlarında digər qruplardan “Slaviya” (Çexiya), “Bayer” (Almaniya), “Reyncers” (Şotlandiya), “Benfika” (Portuqaliya), “Qranada” (İspaniya), PSV (Niderland), “Braqa” (Portuqaliya), “Lill” (Fransa), “Milan” (İtaliya), “Antverpen” (Belçika), “Tottenhem” (İngiltərə), “Dinamo” (Xorvatiya), “Srvena Zvezda” (Serbiya) 1/16 final bileti alıblar.

“Roma” (İtaliya), “Arsenal” (İngiltərə), “Lester” (İngiltərə) və “Hoffenhaym” (Almaniya) növbəti mərhələyə ötən həftə çıxıblar.

“Krasnodar” (Rusiya) Çempionlar Liqasının qrup mərhələsindən ələnərək Avropa Liqasının 1/16 finalına düşüb.

Qrup mərhələsində yarışan 6 komandanın 1971-ci ildən keçirilən, 2008-cı ilədək UEFA kuboku adlanmış turnirdə zəfəri var. “Tottenhem”, “Feyenoord” 2, PSV, “Bayer”, “Napoli”, SSKA (Moskva) 1 uğur qazanıb.