Rusiyada azərbaycanlı vəkillə bağlı araşdırmalar başladı

"BakuPost" xəbər verir ki, bu sözləri Rusiyada fəaliyyət göstərən azərbaycanlı vəkil Elman Paşayev deyib.

“Bu ki, yaxşı və düzgündür. Yoxlamalardan sonra bütün bunlar sona çatacaq”, - deyə Paşayev bildirib.

Qeyd edək ki, Rusiya İstintaq Komitəsinin rəhbəri Aleksandr Bastrıkin KİV-lərdə Paşayevin qeyri-qanuni əməlləri ilə bağlı yayılan məlumatlardan sonra araşdırmaların başladılması barədə təlimat verib.

Belə ki, Rusiya mediasında Paşayevin Moskvadakı ailələrdən birinin daşınmaz əmlakı ilə bağlı işdə dələduzluğa yol verdiyi deyilir.

Onu da əlavə edək ki, bir neçə gün öncə Şimali Osetiya Vəkillər Palatası E.Paşayevin vəkillik statusunun ləğvi ilə bağlı qərar qəbul etmişdi.