Saakaşvili klinikadan həbsxanaya qaytarıldı

Bakupost.az Teleqraf-a istinadla xəbər verir ki, bu barədə ölkənin Penitensiar Xidməti məlumat yayıb.

“Məhkum Mixail Saakaşvilinin səhhəti qənaətbəxş olduğundan o, mülki sektorun klinikasından Cəzaçəkmə Müəssisəsinə qaytarılıb və o, cəzasını çəkməyə davam edəcək”, - deyə məlumatda bildirilir.

Penitensiar Xidmətin məlumatına görə, Saakaşvili 2022-ci il mayın 12-də stasionar tibbi yardım üçün Vivamed klinikasına köçürülüb.

Gürcüstan qanunvericiliyinə görə, xəstənin mülki xəstəxanadan cəzaçəkmə müəssisəsinə qaytarılması xəstənin sağlamlıq vəziyyəti nəzərə alınmaqla, müalicə edən həkimin qərarı əsasında həyata keçirilir.

Saakaşvili 2022-ci ilin mayında həbsxanada uzun sürən aclıq aksiyasının nəticələrinə görə klinikaya yerləşdirilib.

Saakaşviliyə qarşı beş cinayət işi üzrə ittiham irəli sürülüb, onlardan ikisi keçmiş prezidentin qiyabi olaraq 6 il müddətinə azadlıqdan məhrum edilməsi ilə nəticələnib. Martın 12-də Tbilisi Şəhər Məhkəməsi Saakaşvilini dövlət vəsaitini mənimsəməkdə ittiham edərək 9 il müddətinə azadlıqdan məhrum edib. Mart hökmündən sonra Saakaşvili cəzasını 2030-cu ilə qədər çəkməlidir.

Hazırda Tbilisi Şəhər Məhkəməsi ona qarşı iki işə baxır: 2007-ci il noyabrın 7-də etiraz aksiyasının dağıdılması və sərhədi qanunsuz keçmə.