Səfər Mehdiyev “Qırmızı körpü”nün rəisini işdən qovdu - VƏTƏNDAŞI İNCİTDİYİ ÜÇÜN

  • 17:16
  • 1641 Baxış
Səfər Mehdiyev “Qırmızı körpü”nün rəisini işdən qovdu -  VƏTƏNDAŞI İNCİTDİYİ ÜÇÜN
 

Dövlət Gömrük Komitəsinin rəisi Səfər Mehdiyev Azərbaycanla Gürcüstanın sərhədində yerləşən "Qırmızı Körpü" gömrük postunun rəisini işdən çıxarıb.

 

Bakupost.az Dövlət Gömrük Komitəsinə istinadən xəbər verir ki, bu barədə qurumdan yayılan məlumatda bildirilir.

 

DGK-nın yaydığı xəbərdə deyilir ki, bəzi kütləvi informasiya vasitələrində Türkiyə Respublikasında müvəqqəti yaşayaraq ölkəmizə qayıdan Azərbaycan vətəndaşı Xanım Şabanovanın özü ilə gətirdiyi ev əşyalarının Gürcüstanla sərhəddə yerləşən "Qırmızı Körpü" gömrük postunda saxlanılması və həmin şəxsdən gömrük ödənişlərinin tələb olunmasına dair məlumat yayılıb.




Xanım Şabanovanın ölkəyə qayıtdığı tarixdə "Qırmız Körpü" gömrük postunun rəisi işləyən şəxs yuxarıda qeyd olunan hadisə ictimailəşdirilmədən öncə tutduğu vəzifədən azad olunub. Komitənin aidiyyəti qurumları tərəfindən aparılan araşdırma nəticəsində vətəndaşın ölkə ərazisinə gətirdiyi malların- ev əşyalarının gömrük rəsmiləşdirilməsi zamanı qanunvericiliyin pozulması halları qeydə alındığından rəsmiləşdirilməni həyata keçirən gömrük əməkdaşları Komitə sədrinin əmrinə əsasən intizam məsuliyyətinə cəlb edilərək cəzalandırılıblar və vətəndaşın əşyalarının özünə qaytarılması haqqında qərar verilib.




Dövlət Gömrük Komitəsi qanunvericiliyin pozulmasının qarşısının alınmasında göstərdiyi prinsipial vətəndaşlıq mövqeyinə görə Xanım Şabanovaya təşəkkürünü bildirir.