Şirkətin icraçı direktorundan prokurorluq orqanlarına MÜRACİƏT

  • 14 Sen 2020 12:02
  • 395 Baxış
Şirkətin icraçı direktorundan prokurorluq orqanlarına  MÜRACİƏT



Azərbaycan Baş Prokurorluğu “Orbit-ay LTD” MMC-nin icraçı direktorunun prokurorluq orqanlarına müraciəti ilə bağlı məlumat yayıb.

Qurumun Mətbuat Xidmətindən "BakuPost"a daxil olan məlumatda deyilir:

Xəbər verildiyi kimi, Baş Prokurorluğun sosial şəbəkə hesablarında paylaşımların şərh bölmələrində, eləcə də birbaşa məktub vasitəsilə prokurorluq orqanlarına şikayət edərək müraciəti müsbət həll olunmuş çoxsaylı vətəndaşların öz məmnunluqlarını ifadə etdikləri görüntülər Baş Prokurorluğun Mətbuat xidməti tərəfindən videoçarx şəklində hazırlanaraq #sözvətəndaşda həştəqi altında ictimaiyyətə təqdim olunur.

Hazırda təqdim olunan video isə “Orbit-ay LTD” MMC-nin icraçı direktoru Rəsmiyyə Qazıyevanın prokurorluq orqanlarına müraciətidir.

Təqdim olunan videonu Baş Prokurorluğun sosial şəbəkələrdə olan səhifələrindən, həmçinin veb-saytından izləyə bilərsiniz.

Məlumat üçün bildirilir ki, “Orbit-ay LTD” MMC-nin icraçı direktoru Rəsmiyyə Qazıyevanın həmin MMC-nin direktor müavini vəzifəsində işləmiş Xatirə Həmidova tərəfindən öz qulluq mövqeyindən istifadə etməklə ona etibar edilən cəmiyyətin xeyli miqdarda pul vəsaitini ələ keçirməsi barədə müraciəti əsasında Nizami Rayon Prokurorluğu tərəfindən fakt üzrə 26.11.2019-cu il tarixdə Cinayət Məcəlləsinin 179.2.3 və 179.2.4-cü maddələri ilə cinayət işi başlanıb.

Nizami Rayon Prokurorluğu tərəfindən aparılmış istintaqla Xatirə Həmidovanın cəmi 39 min 107 manat məbləğdə pul vəsaitini cəmiyyətin bank hesabında çeklərə imza etməklə ələ keçirib cəmiyyətin kassasına mədaxil etməməklə mənimsəməsinə əsaslı şübhələr müəyyən edilib.

19.08.2020-ci il tarixdə Xatirə Həmidova Cinayət Məcəlləsinin 179.2.2 (mənimsəmə təkrar törədildikdə), 179.2.3 (mənimsəmə şəxs tərəfindən öz qulluq mövqeyindən istifadə etməklə törədildikdə) və 179.2.4-cü (mənimsəmə xeyli miqdarda ziyan vurmaqla törədildikdə) maddələri ilə təqsirləndirilən şəxs qismində cəlb edilməklə ona qeyd olunan maddələrlə ittiham elan edilib və ibtidai istintaq yekunlaşdırılaraq cinayət işi baxılması üçün aidiyyəti üzrə Nizami Rayon Məhkəməsinə göndərilib.

"Əminliklə bildiririk ki, vətəndaş məmnuniyyətinin təmin olunması prokurorluq orqanları üçün hər zaman prioritet məsələdir", - Mətbuat Xidmətindən bildirilib.



X