"Təyyarə havada parçalanıb, amma..." - Açıqlama

Bu fikirləri Bakupost.az -a açıqlamasında siyasi şərhçi Oktay Qasımov bildirib.

Onun sözlərinə görə, burada diqqətçəkən bəzi məqamlar var:

“Belə ki, təyyarənin havaya qalxmasından 27 dəqiqə sonra onunla əlaqənin kəsilməsi və qəza anından əldə olunmuş videodan göründüyü kimi, təyyarənin quyruq hissəsində qopma baş verib. Ehtimal ki, təyyarə havada parçalanıb. Bu isə müəyyən suallar doğurur, ehtimalları gündəmə gətirir. Bütün hallarda mən düşünmürəm ki, bu versiyaların hər hansı biri tam istisna edilməlidir .Son qərar rəsmi araşdırmalardan sonra veriləcək. "Qara qutu"nun təhlili orada son anda nələrin baş verdiyini müəyyənləşdirmək baxımından mühüm olacaq. Çünki bunsuz hər hansı versiyanı irəli sürmək çətindir”.

O.Qasımov vurğulayıb ki, təyyarənin uçduğu bölgədə və ümumilikdə bu coğrafiyada müəyyən risklər mövcuddur:

“Gürcüstanın özündə də işğal olunmuş ərazilər var. Bundan başqa, bəzi ehtimalların irəli sürülməsinə səbəb olan amillərdən biri 8 noyabrda Bakıda keçirilən hərbi paradda qardaş Türkiyə və Pakistan hərbçilərinin, həmçinin dövlət başçılarının iştirakıdır. Əlbəttə, bu, bəzi qüvvələr tərəfindən məmnunluqla qarşılanmaya bilər. Bunların hamısı versiyalardır”.