Türk Şurası və Ümumdünya Səhiyyə Təşkilatının Avropa regionu üzrə ofisi arasında anlaşma memorandumu imzalanıb.
Bu barədə ÜST-ün Avropa üzrə regional direktoru Hans Kluqe "Twitter"də bildirib.
Memorandum peyvəndlər, fövqəladə hallar və innovasiyalar sahəsində texniki əməkdaşlıq və dəstək, ictimai səhiyyə sahəsində informasiya mübadiləsi, psixi sağlamlığın, uşaqların sağlamlığının və miqrantların sağlamlığının təbliği və ona dəstək istiqamətlərini əhatə edir.
Memorandumu ÜST-ün Avropa üzrə regional direktoru Hans Kluqe və Türk Şurasının Baş katibi Bağdad Əmrəyev imzalayıb.