Türkiyə təyyarəsi niyə qəzaya uğradı? – Sensasion versiya

Azərbaycandan Türkiyəyə uçan “C-130” tipli hərbi yük təyyarəsinin qəzaya uğramasının səbəbi ilə bağlı ilkin versiyalar açıqlanıb.

Bakupost.az türk mediasına istinadən xəbər verir ki, ilkin araşdırmalardan sonra qəza ilə bağlı fikirlər iki əsas ehtimal üzərində cəmləşib.

Birinci versiyaya görə, uzun müddətdir xidmətdə olan və sonuncu dəfə 2020-ci ildə əsaslı təmirə göndərilən təyyarənin gövdəsi korroziya nəticəsində zəifləyib. Bu vəziyyət gövdədə çat və ya deşiyin yaranmasına səbəb olmaqla struktur bütövlüyünü poza bilər. 2019-cu ildə ABŞ-nin Arizona ştatında eyni tipli bir təyyarə də bənzər səbəbdən havaya qalxanş zamanı qəzaya uğramışdı.

İkinci ehtimala görə, təyyarənin daşıdığı yüklər lazımi şəkildə bərkidilməyib. Uçuş zamanı yüklərin yer dəyişməsi təyyarənin içərisində struktur zədələnməsinə və tarazlığın pozulmasına gətirib çıxarmış ola bilər.

Qəzanın dəqiq səbəblərinin isə "qara qutu"ların tapılmasından sonra müəyyənləşəcəyi bildirilır.

Cavid, BakuPost