Türkiyəli mütəxəssislər Azərbaycan-Gürcüstan sərhədində, “C-130” hərbi yük təyyarəsinin qəzaya uğradığı ərazidə axtarış-xilasetmə və araşdırma işlərinə başlayıblar.
Bakupost.az türk mediasına istinadən xəbər verir ki, bu barədə Türkiyə Milli Müdafiə Nazirliyi məlumat yayıb.
Bildirilib ki, türkiyəli mütəxəssislər bu gün səhər saat 07:30-da gürcü həmkarları ilə koordinasiyalı şəkildə əraziyə gediblər.
Xatırladaq ki, dünən (noyabrın 11-i) Türkiyə Hərbi Hava Qüvvələrinə məxsus "C-130" hərbi yük təyyarəsi Gəncə hava limanından qalxdıqdan 27 dəqiqə sonra Gürcüstan ərazisində radarlardan itərək qəzaya uğrayıb. Qəza nəticəsində təyyarənin heyət üzvləri daxil olmaqla 20 hərbçi həlak olub.