Umtitinin evini soydular - Matç zamanı

"Barselona"nın futbolçusu Samuel Umtitinin evi soyulub.

BakuPost.az "La Vanguardia"ya istinadən xəbər verir ki, 26 yaşlı müdafiəçinin evi La Liqanın IV turunda "Valensiya" ilə matç zamanı soyulub. Fransalı oyunçu qarşılaşmada iştirak etməsə də, stadionda olub.

Umtitinin evinin qapısının açıq olduğunu görən qonşular polisə zəng vurub. Hadisə yerinə gələn polislər oğruların izlərini qeydə alıblar və boş seyf aşkarlayıblar. Şahidlərin sözlərinə görə, ən azı 4 nəfər qarətdə iştirak edib. Futbolçuya dəyən ziyanın məbləği açıqlanmayıb.

Qeyd edək ki, "Valensiya" ilə qarşılaşma "Barselona"nın qələbəsi ilə bitib - 5:2. Daha əvvəl Kataloniya təmsilçisinin sabiq futbolçusu Kevin-Prins Boatenq və Jordi Albanın da evi qarət olunub.