Yaqub Eyyubov haradadır... – İşdən çıxarılıb? (FOTO)

BakuPost xəbər verir ki, ali qonağı Azərbaycan Respublikası Baş Nazirinin birinci müavini Yaqub Eyyubov deyil, dünən Baş Nazirin müavini təyin edilmiş Şahin Mustafayev qarşılayıb.

Hansı ki, belə tədbirlərdə qonaqları həmişə Yaqub Eyyubov qarşılayırdı.

Bu gün isə bir neçə ölkənin dövlət başçılarının qarşılanma mərasiminin heç birində Yaqub Eyyubov görünməyib. Qonaqları Əli Əhmədov və Şahin Mustafayev qarşılayır.

Yeri gəlmişkən, İlham Əliyevin başladığı kadr islahatları çərçivəsində vəzifədən azad ediləcək şəxslərin ehtimal olunan siyahısında həmişə Yaqub Eyyubovun adı yer alıb. Bununla bağlı hələlik heç bir sərəncam olmasa da, 74 yaşlı məmurun bu mərasimlərdə gözə dəyməməsi onunla bağlı qərarın artıq verildiyini deməyə əsas yaradır.

Qeyd edək ki, Qoşulmama Hərəkatına üzv ölkələrin dövlət və hökumət başçıları XVIII Zirvə Görüşündə iştirak etmək üçün oktyabrın 24-də Azərbaycana səfərə gəlib.