Yeni ailə quran qadın ata evində özünü asdı

  • 27 Yan 2020 22:51
  • 1108 Baxış
 Yeni ailə quran qadın ata evində özünü asdı


Sabirabadda gənc qadın özünü asaraq intihar edib.


BakuPost
APA-ya istinadən xəbər verir ki, axşam saatlarında Sabirabad rayonunun Qarağac kənd sakini, 2000-ci il təvəllüdlü Günəşova Adilə Ağasəf qızı ailə münaqişəsi zəminində özünü ata evində asıb.


Yenicə ailə həyatı quran 20 yaşlı qadınla həyat yoldaşının valideynləri arasında münaqişə yaranıb. Bundan sonra ata evinə qayıdan gənc qadın həmin yaşayış evində istifadə olunmayan otaqda axşam saatlarında özünə qəsd edib. Hazırda qadının meyiti müayinə olunması üçün məhkəmə tibb ekspertizasına təhvil verilib.

Faktla bağlı Sabirabad rayon Prokurorluğunda cinayət işi başlanılıb, araşdırma aparılır.