5 yol şirkətinin ləğvi: Səbəb nədir?

Mövzu ilə bağlı Liberal İqtisadçılar Mərkəzinin sədri Akif Nəsirli “Bakupost”a bildirib ki, 5 şirkətin eyni vaxtda ləğv olunması daha çox yol təsərrüfatında struktur və idarəetmə modelinin dəyişdirilməsi ilə əlaqəli görünür.

Onun sözlərinə görə, bu şirkətlərin eyni vaxtda bağlanması onların ayrı-ayrılıqda maliyyə problemi yaşaması ehtimalını zəiflədir. Mövcud qurumların birləşdirilməsi, funksiyaların daha iri strukturlara verilməsi və idarəetmə xərclərinin optimallaşdırılması əsas səbəblərdən ola bilər.

Ekspert maliyyə amilinin də istisna edilmədiyini qeyd edib. Zərərli və ya səmərəsiz müəssisələrin bağlanması dövlət vəsaitinə qənaət və təkrarlanan xərclərin azaldılması məqsədi daşıya bilər. Lakin şirkətlərin rəsmi açıqlaması olmadan konkret maliyyə problemi barədə qəti nəticə çıxarmaq düzgün deyil.

A.Nəsirli hesab edir ki, əsas məsələ ləğv olunan şirkətlərin funksiyalarının bundan sonra hansı qurumlara veriləcəyidir. Bu fəaliyyətlər başqa qurumlarda birləşdirilərsə, prosesin struktur islahatı olduğu daha aydın görünəcək.