75 yaşlı qadının üstündən keçən avtobus, yarışan sürücülər: Onlar kimə güvənir?

Maraqlıdır, mövcud vəziyyət sürücülərə qarşı daha sərt tədbirlərin tətbiqini zəruri edirmi?

“Çünki sürücülərin çoxunda məsuliyyət hissi yoxdur, arxayınçılıq var. Motosiklet sürücüləri istədikləri kimi sürür, ara zolaqlarla gedir, yüksək sürətlə maşınların arasından keçirlər.

İstənilən canlıda ən vacib cəhət özünü qoruma hissidir. Amma bəzi piyadalarda və sürücülərdə bu hiss zəifləyib. Avtobus sürücülərinin bəziləri normal sürür, amma bir çoxu yüksək sürətlə hərəkət edir. Başa düşmürlər ki, onların nəqliyyat vasitəsi həddindən artıq böyükdür və belə nəqliyyat vasitəsini saxlamaq asan deyil”.

“Amma reallığı nəzərə almırlar ki, maşınların arasından avtobus zolağına insanlar çıxa bilər. Belə hadisələr olur və son qəza hadisəsində də məhz sağ zolaqdan çıxan avtobus qadının həyatına son qoydu. Onlar bəzən minik maşınlarını sıxışdırır, avtobus zolağını qoyub başqa zolağa girirlər. Sosial şəbəkələrdə bununla bağlı yüzlərlə video paylaşılır, amma yenə də vəziyyət dəyişmir. Təkrar edirəm, hamıdan söhbət getmir, yaxşı sürücülər də var. Amma pis sürücülər yaxşı sürücüləri də gözdən salır.

Bir çox avtobus sürücüləri onlara yaradılan şəraiti arxayınçılıq kimi qəbul edir, sanki kimlərəsə güvənirlər. başa düşmürlər ki, qəza baş versə və kimsə həyatını itirsə, onların arxasında heç kim dayanmayacaq, qanunda nəzərdə tutulan cəzanı alacaqlar”.

“Skuterlər ən riskli nəqliyyat vasitələrindən biridir. Çünki motosikletin səsi gəlir, amma skuterin səsi demək olar ki, çıxmır. Onlar qəfil maşınların qarşısına çıxır, əks istiqamətdə hərəkət edirlər. Bəzən səkilərlə hərəkət edib insanlara narahatlıq yaradırlar, parklarda xüsusilə uşaqlı ailələrin rahat gəzməsinə mane olurlar.

Bu problemlərin həlli üçün sürücülük mədəniyyəti artmalıdır. Əks halda qəzaların sayı getdikcə daha da artacaq”.