ABŞ Hörmüz boğazını sualtı dronlarla təmizləyəcək

Hərbi ekspert İbrahim Rüstəmli Bakupost.az- a bildirib ki, sualtı dronlarla boğazdakı minaların zərərsizləşdirilməsi mümkün olsa da, bu elə də asan məsələ deyil:

“Hazırda elm o qədər güclü inkişaf edib ki, hər cür alternativ variantları müəyyənləşdirib istehsal etmək mümkündür. ABŞ-nin Hörmüz boğazını sualtı dronlarda istifadə etməklə minalardan zərərsizləşdirməsi mükündür”.

Ekspert qeyd edir ki, sualtı dronlar enerji prinsipilə hərəkət edir və lazım olan hədəfləri asanlıqla taparaq, zərərsizləşdirir:

“Amma mina məsələsi ağrılı və problemli bir məsələdir. Birinci Dünya Müharibəsinin bitməsindən 108 il keçməsinə baxmayaraq hələ də o dövrdə basdırılmış minalardan əziyyət çəkən dövlətlər var. Bu baxımdan ABŞ-nin minaları tam təmizləyə bilməsi çətin məslədir. Üstəlik bu uzun vaxt alacaq. Hətta tərəflər arasında bununla bağlı anlaşma olsa da, ərazinin tam təmizlənməsi üçün çox vaxt lazım olacaq”.