ADMİU-dan qovulan tələbə yenidən bərpa oluna bilər? - AÇIQLANDI

Bundan sonra K.Zindadil sosial şəbəkələrdə videomüraciət yayaraq universitet rəhbərliyinin onun barəsində araşdırma aparmadan və haqsız şəkildə qərar qəbul etdiyini bildirib. O, təhsil aldığı müddətdə müxtəlif şəxslər tərəfindən təzyiq və təhqirlərə məruz qaldığını iddia edib və universitetə bərpa olunmaq istədiyini açıqlayıb.

Məsələ ilə bağlı cəmiyyətdə fərqli fikirlər səslənir. Bir qrup şəxs universitetin qərarını düzgün hesab etsə də, Milli Məclisin deputatı Ceyhun Məmmədov da daxil olmaqla, bəzi şəxslər qərarın sərt olduğunu və tez qəbul edildiyini bildiriblər.

Bəs tələbənin yenidən universitetə bərpa olunması hansı hallarda mümkündür?

“Bütün hallarda bu kimi hallar hüquq-mühafizə orqanları tərəfindən araşdırıldıqdan sonra məsələ ilə bağlı müəyyən bir qərar qəbul etmək olardı. Ancaq biz universitetin daxili intizam qaydalarını da bilmirik. Ola bilsin ki, universitetin reqlamenti, daxili qaydaları bu tip tələblərlə bağlı sərt qərar verməyin tərəfdarıdır. Biz hələ bilmirik, indiyədək həmin tələbə ilə bağlı hansı ölçülər götürülüb, xəbərdarlıqlar edilib, özünü necə aparıb, universitet həyatındakı rolu nədən ibarət olub. Ona görə də məsələ ilə bağlı universitetin qərarına da müəyyən qədər haqq vermək olar”.

“Görünən odur ki, cəmiyyətin diktəsi, narazılıq, 65 mindən artıq birinci kurs tələbələrinin valideynlərinin fikirlərini də nəzərə alsaq, əlbəttə ki, tələblərə edilən təhdid sakit ötüşə bilməzdi. Düşünürəm ki, universitet ictimai gərginliyi də nəzərə alaraq belə bir addım atıb”.

“Universitetdən xaric etmə ağır qərar olduğu üçün müəyyən faktlar toplanılmalı, təqdim olunmalıdır. Yaxşı olardı ki, bu məsələ məhkəmə qaydasında həllini tapsın. Eyni zamanda ictimai narazılığı nəzərə almalıyıq. Şərhlərə də baxanda görürük ki, 80 faiz insan onun davranışını pisləyir və yenidən tələbə olmasını rədd edir. Başqa bir tərəfdən, ailə üzvü - bacısı ilə belə bir addım atması cəmiyyətdə çox ciddi ikrah yaradıb. Görünür ki, universitet bu addımı gərginliyi azaltmaq üçün atıb”.