Aİİ tezliklə Ermənistanla bağlı qərar verəcək: İrəvan odla su arasında

“Bakupost” xarici mətbuata istinadən xəbər verir ki, bu barədə Ermənistanın iqtisadiyyat nazirinin müavini Tiqran Qasparyan bildirib.

Nazir müavini problemlərin Aİİ mexanizmləri vasitəsilə həll olunacağına ümid etdiklərini vurğulayıb.

Qeyd edək ki, “Rosselxoznadzor” 2026-cı ilin may ayından etibarən Ermənistandan Rusiyaya çoxsaylı kənd təsərrüfatı məhsullarının idxalına məhdudiyyətlər qoyub.

Siyasi şərhçi Elçin Xalidbəyli “Bakupost”a bildirib ki, Ermənistanın Rusiya ilə bağlı Avrasiya İqtisadi İttifaqına şikayət etməsi yalnız iqtisadi-ticari deyil, həm də siyasi xarakter daşıyır:

“İrəvan hazırda böyük sürətlə Rusiyadan uzaqlaşma siyasəti yürüdür və bu siyasətin nəticələrinin məsuliyyətini də birmənalı şəkildə Moskvanın üzərinə yükləməyə çalışır. Bəzi hallarda da Rusiyanın aqressiv təhdid xarakterli addımlarına şantaj xarakterli reaksiyalar verir. İndiki mərhələdə Aİİ-dən çıxmaq Ermənistanın iqtisadi-ticari maraqlarına qətiyyən cavab vermir”.

“Bir tərəfdən qurumda fəaliyyətini davam etdirir, digər tərəfdən də çalışır ki, təşkilatdan çıxmalı olsa, bunun günahkarı qismində Rusiyanı göstərə bilsin”.

“Həmin dövlətlər birmənalı şəkildə Rusiyanın təsiri altında olduqlarına görə, İrəvana qarşı mövqe tutmağa üstünlük verəcək. Bu mövqe əslində indədən bəllidir. Bir müddət öncə Aİİ-nin bütün üzvləri ümumi bəyanat yayaraq, qurumdan xaric ediləcəyilə bağlı Ermənistanı xəbərdar etmişdilər. Hansı ki, həmin xəbərdarlığın reallaşma müddəti yaxınlaşır. İlin sonuna doğru Ermənistanla bağlı qərar qəbul oluna bilər. Bu əsasda rəsmi İrəvan qurumdan kənarlaşdırıla biləcəyini istisna etmir. Ona görə də Ermənistan bu istiqamətdə apardığı siyasi-ideoloji müzakirələri Rusiyanın günahlandırılmasına səbəblər yaratmaq istiqamətinə yönəldir”.