Avropa süpermarketlərində qida böhranı – Rəflər boşalacaq

Fransada süpermarketlər və böyük qida markaları arasındakı illik qiymət danışıqları böhranla nəticələnə bilər. Dağıtım şirkətləri xəbərdarlıq edir ki, marketlər qiymət artımlarını qəbul etməsələr, “Nutella” və “Lindt” kimi populyar məhsullar rəflərdən yığışdırıla bilər.

Bakupost.az Fransız mediasına istinadən xəbər verir ki, danışıqlar martın 1-dək davam edəcək. Marketlər, daha sərfəli qiymət üçün bəzi markaları satışdan çıxarma təhdidi ilə qarşı-qarşıyadır.

Danışıqların mərkəzində xüsusilə şokolad və şirniyyat məhsulları dayanır. Böyük marketlər bildirir ki, kakao qiymətləri düşsə də, bəzi şirkətlər 10–20 faiz arası qiymət artımı tələb edir.

“Intermarché” marketlər zənciri açıqlamasında, “Kakao qiymətləri ciddi şəkildə azalıb, buna baxmayaraq bəzi qruplar bizdən 10–20 faiz artımı qəbul etməyimizi istəyir. Bu, qəbuledilməzdir. Bu səbəbdən bəzi məhsullar müvəqqəti olaraq satışda olmaya bilər.

Olivier Dauvers adlı jurnalist bildirib ki, mümkün satışdan yığışdırıplma qərarları “Ferrero” qrupuna aid “Nutella” və “Lindt” məhsullarını əhatə edə bilər. Hazırda rəsmi qərar yoxdur, amma 2026-cı ildə bu markaların bəzi marketlərdə tapılmaması ehtimalı var.

Ekspertlər bildirir ki, şokolad ilə məhdudlaşmayan qiymət təzyiqi digər məhsullara da təsir edir. Xüsusilə qəhvə və mal əti kimi məhsulların qiymətləri yüksəlməkdədir. Bunun səbəbi istehsal xərclərinin artması, qlobal təchizat problemləri və iqlim şərtləri göstərilir.

Cavid, BakuPost