İnsan haqları kənd təsərrüfatı deyil ki, ciddi qarşılanmasın... - Elmar Məmmədyarov

– Azərbaycanda insan hüquqları mövzusu hər zaman aktual məsələ kimi onlarla müzakirə olunub.

Bu təkcə Azərbaycana aid məsələ deyil. Avropa Şurasına, BMT-yə üzv olan bütün ölkələrlə bu cür dialoqlar olur. Mənim nazir işlədiyim dövrdə və məndən sonra da bunlar olub vəolacaq.

Müxtəlif səviyyəli görüşlərdə problemlər haqqında danışılırdı. Biz də təbii ki, konkret məsələlərlə bağlı hüquq-mühafizə orqanları ilə danışırdıq. Daxili İşlər Nazirliyi , Baş Prokurorluq və digər qurumlarla sıx işləmişik. Avropa Şurası, ATƏT və BMT-nin İnsan Hüquqları Şurası tərəfindən qaldırılan mövzular olurdu. Çünki, bizim bu qurumlar qarşısında öhdəliklərimiz var. Biz də hüquq-mühafizə orqanları ilə sıx əməkdaşlıq edirdiik. Onlar da arayışlar hazırlayırdı, həmin arayışlarda öz əsaslandırmalarını yazırdılar.

-Bilirsiniz, həbslər təkcə Azərbaycanda olmur. Hər ölkədə bu cür hallar baş verir. Kimsə həbs olunursa, həmin təşkilatlar və adını çəkdiyiniz ölkələr qaldıra bilər ki, bu şəxs siyasi məhbusdur. Hüquq-mühafizə orqanları ilə yanaşı, biz həm də Ali Məhkəmə ilə işləyirdik. Çünki, insan haqları elə bir məsələdir ki, onunla bütün hökumət məşğul olmalıdır. Kənd təsərrüfatı sahəsi deyil ki, ciddi qarşılanmasın. Təbii ki, biz də insan haqları ilə bağlı çağırışları aidiyyatı üzrə müzakirə etmişik.

-Xeyr, sadəcə Azərbaycan öz cavabını verir. Təbii ki, hansısa həbsin arxasında səbəb göstərilir. Dediyim kimi, hüquq-mühafizə orqanlarından və məhkəmələrdən alınan arayışlar təqdim olunur.

-Azərbaycan Avropa Şurasının üzvü olduğundan vətəndaşlarımızın hüququ var ki, Avropa Məhkəməsinə müraciət etsin. Avropa Məhkəməsi də araşdırır. Ola bilsin ki, hansısa prosessual pozuntular ortaya çıxır və bunu bildirir.

Bunlar təbii məsələlərdir. Avropa Şurasına üzv olan bütün ölkələrdən Avropa Məhkəməsinə şikayətlər gedir. Buna normal yanaşmaq lazımdır.

– Bilirsiniz, insan haqları mürəkkəb məsələdir. Buna cəmiyyətin özü də hazır olmalıdır. İctimaiyyətin özündən də çox şey asılıdır. İnsan hüquqları mədəniyyətdən, dindən, iqtisadiyyatdan, təhsildən və sair sahələrdən asılıdır. İnsanlar özləri haqlarını müdafiə etməkdə maraqlı olmalıdır. Bütün məsələlər yerində olmalıdır ki, arzi etdiyimiz cəmiyyət olsun. Ancaq mürəkkəb və zaman tələb edən məsələdir. Heydər Əliyevin məşhur “demokratiya alma deyil ki, gedib alasan, bu bir prosesdir” deyimi var. Bu prosesi keçməliyik.