Qəzzada ölənlərin sayı 32 min 623-ə yüksəldi

Bakupost.az xəbər verir ki, Fələstin Səhiyyə Nazirliyinin Qəzza üzrə sözçüsü Əşrəf əl-Qudra açıqlamasında İsrailin Qəzza zolağına 175 gündür hücumları ilə bağlı məlumat yayıb.

Qudra son 24 saatda İsrail qüvvələrinin Qəzza zolağına təşkil etdiyi hücumlarda daha 71 fələstinlinin həyatını itirdiyini, 112 fələstinlinin isə yaralandığını bildirib.

7 oktyabrdan bəri hücumlarda həyatını itirənlərin sayının 32 min 623-ə yüksəldiyini bildirən Qudra, yaralıların sayının 75 min 92-yə çatdığını qeyd edib.

Səhiyyə Nazirliyinin sözçüsü dağıntılar altında və yol kənarında hələ də ölənlərin olduğunu, lakin İsrail qüvvələrinin maneəsi səbəbilə tibb qrupları və mülki müdafiə işçilərinin cəsədlərə çata bilmədiyini vurğulayıb.