"Rus sülhməramlıları dağıdıcı qüvvədir" - Politoloq

"Rusiyanın birtərəfli mövqe tutması bizim üçün təəccüblü görünmür. O həmişə bu cür oynayıb və bölgəni ələ alıb. “Parçala və hökm sür” siyasətindən istifadə edib. Dünənə qədər Ermənistanda hərbi çevriliş etmək istəyən, zorakı üsullarla hakimiyyətin dəyişdirilməsinə cəhd edən Rusiya bu gün Azərbaycanın suveren ərazisinə silah daşıyan, bizə qarşı hərbi təxribatlar hazırlayan silahlı qruplaşmaları müdafiə edir. Bu, bir daha onu göstərir ki, Rusiyanın bölgə üçün fəlakətdir. Ona görə də Azərbaycan Rusiyanın ikili, qızışdırıcı mövqeyini onun nəzərinə çatdırmalıdır. Rusiya sülhməramlıları hələ də 2020-ci il 10 noyabr sazişinin 4 cü maddəsinə yerinə yetirməyib. Belə ki, Qarabağda qeyri-qanuni dislokasiya olunan erməni silahlıları son nəfərinə qədər oradan çıxarılmalı olsa da, sülhməramlılar bunu təmin etməyib".

"Müharibə bitəndə Xankəndində 4 nəfər erməni qalmışdı. Onlar Livandan, Suriyadan erməniləri daşıyıb Xankəndinə doldurdu. Biz onlardan bölgədə sülh yaratmaq üçün hər hansı bir addım görməmişik.

Rusiyanın isə Azərbaycanı günahlandırmaq üçün arqumenti yoxdur. Ermənistandan qanunsuz silah daşınır və bunun üçün alternativ yoldan istifadə olunur. Rus sülhməramlıları da buna şərait yaradır. Bu alternativ yol əməlli-başlı işləyirmiş. Ordan nə qədər daşınmalar həyata keçirilibmiş. Azərbaycan bu yoldan silah-sursat daşınmasına mane olmaq istəyəndə ermənilər öz torpağımızda əsgərimizə atəş açıb. "Sən niyə bizi saxlayıbsan" deyə atəş açıblar".

"Onların əməlləri ilə bağlı mövqe ortaya ifadə olunmalı, Rusiya rəhbərliyi qarşısında bu qüvvələrin Azərbaycandan çıxarılması tələbi qoyulmalıdır. Bu qüvvə sülhyaradıcı deyil, dağıdıcı, qarşıdırma yaradan bir qüvvədir".