TIR ŞOU - Əlacsızlıq, yoxsa həyasızlıq?

Artıq uç gündür ki, Bakıdan yola salınan humanitar yardım karvanı Ağdam-Xankəndi yolunun üzərindəki Rusiya sülhməramlılarının postunun qarşısında gözləyir.

Ərazidə olan Azərbaycan Qızıl Aypara Cəmiyyətinin nümayəndələri gətirdikləri yükün keyfiyyət sertifikatını Azərbaycan ərazisində müvəqqəti yerləşdirilən Rusiya sülhməramlılarına təqdim ediblər.

Cəmiyyətin əməkdaşları Azərbaycan ərazisində müvəqqəti məskunlaşan Rusiya sülhmərmalıları ilə danışıqlar aparıblar və onlara yüklərin daşınması ilə bağlı hər hansı bir cavab hələ də verilməyib.

Bu, bir daha Ağdam-Xankəndi yolunun istifadəsinə məqsədyönlü şəkildə Ermənistan və onun Azərbaycanın Qarabağ bölgəsində yaratdığı və dəstəklədiyi qondarma rejim tərəfindən süni əngəllər yaradıldığını sübut edir.

Azərbaycan Qızıl Aypara Cəmiyyətinin (AzQAC) sədri, deputat Novruz Aslan bildirib ki, Xankəndiyə göndərilən ilk humanitar yük qəbul edilsə, Azərbaycan Qızıl Aypara Cəmiyyəti bu prosesi davam etdirə bilər.

“Ehtiyac olarsa, yenə humanitar yüklər göndəriləcək. Bu məsələ hər iki tərəfdən asılır. Biz Qarabağda yaşayan ermənilərin ehtiyaclarını digər mənbələrdən də ala, onların özləri ilə də danışıqlar vasitəsilə öyrənə bilərik. Bizim tərəfdaşlarımız var. Məsələn, Beynəlxalq Qızıl Xaç Komitəsi, Beynəlxalq Qızıl Xaç və Aypara Federasiyası. Beynəlxalq Qızıl Xaç Komitəsinin mandatına uyğun olaraq imkanları daha genişdir. Onlardan biz rəy ala bilərik. Azərbaycan Qızıl Aypara Cəmiyyəti öz missiyasını, xoş niyyətini həyata keçirmək üçün burdadır. İnanıram ki, hər bir tərəf - istər beynəlxalq ictimaiyyət, istər bizim Qarabağ iqtisadi zonasında yaşayan erməni əsilli vətəndaşlarımız bizi düzgün anlayacaqlar. Bu da bir testdir. Qarşı tərəf ərzaq yardımını qəbul etmək istəmirsə, burda da suallar yaranır. Birinci sual odur ki, əgər ehtiyac varsa, niyə qəbul etmirlər? İkinci sula budur ki, biz insanıqsa, yaradanlımız birdirsə, bu ədavət nə vaxta qədər davam edəcək? Burada ortaya qoyulan mövqe bizim xoş məramımızdır. Ortaya qoyulan mövqe budur ki, Qızıl Aypara Cəmiyyəti Azərbaycanın hər bir ərazisində, o cümlədən Qarabağ iqtisadi zonasında öz missiyasını həyata keçirmək əzmindədir. Biz Qarabağda, Xankəndidə həssas təbəqəyə yaxın olmağa hazırıq”.

“Ermənilər hələ də Azərbaycanın göndərdiyi humanitar yardımı qəbul etməyiblər. Deməli, bu günədək onların Qarabağda blokada və mühasirədə qalması ilə bağlı apardığı kampaniyanın tamamilə siyasi məqsədli şou olduğu ortaya çıxır. Əgər Qarabağdakı ermənilər həqiqətən də doqquz ay blokada şəraitində yaşasaydılar, onlar nəinki günlərlə mitinqdə iştirak edə bilməzdilər, hətta orada iki gün belə yüksək səslə şüarlar səsləndirə bilməzdilər. Odur ki, Ermənistanın və onların havadarlarının “humanitar yardım” adı altında həyata keçirdikləri siyasi manipulyasiyalar artıq keçmir. Bu proseslərdə son nöqtəni Azərbaycanın Qırmızı Aypara Cəmiyyəti göndərdiyi yüklərlə qoydu. Bu günlərdə bütün beynəlxalq ictimaiyyət Azərbaycanın həmin humanist addımları barədə məlumatlı olacaq. Hesab edirəm ki, Fransanın Azərbaycana qarşı Ermənistanla birgə atdığı təxribatçı addımlarını Azərbaycanın Qızıl Aypara Cəmiyyətinin göndərdiyi humanitar yük aksiyası tamamilə əngəlləyəcək”.

“Azərbaycan tərəfi isə növbəti dəfə humanist yanaşma sərgiləyərək Qarabağda yaşayan erməniəsilli vətəndaşlar üçün humanitar yardım göndərib. Dedikləri kimi ehtiyacları varsa onda Azərbaycanın humanitar yardımını qəbul etməlidirlər”.

“Burada əsas hədəf Ermənistanla Azərbaycan arasında gedən sülh danışıqlarını uzatmaq və prosesləri yubadaraq vəziyyəti ermənilərin xeyrinə dəyişməkdir. Azərbaycan Qırmızı Aypara Cəmiyyəti tərəfindən Xankəndidə yaşayan erməni əsilli əhaliyə 40 tonluq humanitar yardım, məncə alqışlanmalıdır. Bu yardımın göndərilməsi ermənilərin həqiqətən humanitar böhranla qarşılaşıb-qarşılaşmadığını ortaya çıxaracaq. Ermənilərin həqiqətən ərzaq qıtlığı çəkib-çəkmədiyi sualına cavab verəcək. Düşünürəm ki, erməni tərəfi bu humanitar yardımları qəbul etməsələr, beynəlxalq ictimaiyyətə Ermənistanın, xüsusilə də Fransanın hansısa faktlar və tələblər irəli sürməsi artıq real olmayacaq”.

“Ermənistan bu yardımı qəbul etməyəcəyi təqdirdə onların və havadarlarının deməyə sözləri qalmayacaq. Onlar yüzlərlə TIR-ı Azərbaycan sərhədinə gətirib yığa bilərlər. Azərbaycanın iradəsi olmadan heç kəsin onun sərhədlərinə daxil olmağa haqqı yoxdur. Azərbaycanla razılaşdırılmamış hansısa bir hərəkət edilə bilməz. Bizim əlimizdə kifayət qədər faktlar var ki, Ermənistan tərəfi dəfələrlə yollar vasitəsilə teroristlərə hərbi yüklər daşıyıblar. Xankəndidə heç bir humanitar böhran yoxdur. Oradakı əhali heç bir aclıq çəkmir. Kifayət qədər bizdə bununla bağlı faktlar var”.

“Biz istəyirik ki, bütün məsələləri sülh və əmin-amanlıq yolu ilə həll edək. İnanıram ki, Xankəndidə Azərbaycanın qoyduğu qayda-qanunla yaşamaq, dövlətin qayğısını görmək istəyən kifayət qədər erməni əsilli sakinlər var. Hər kəsin öz qərar vermək hüququ var. Separatçılar elə düşünür ki, onlar ömür boyu bu oyunlarına davam edəcəklər. Təbii ki, bu oyunların bir sonu var və zaman bizim xeyrimizə işləyir".

“Azərbaycan prosesə humanizm prinsiplərindən yanaşır. Lakin ermənilər bu yardımdan imtina edərək Azərbaycanın yardımına ehytiyac duymadıqlarını göstərirlər. Bununla həm də onların blokada ilə bağlı siyasəti də iflasa uğrayır, ifşa olunur. Əgər ermənilər gerçəkdən səfalət içində yaşasaydılar humanitar yardımdan imtina etməzdilər. Burada əslində görünən odur ki, erməni təbliğatı həqiqəti əks etdirmir".

"Emrənistanın Laçın yolundakı TIR şousu bitməmiş Fransadan göndərilən yüklərin bu humanitar karvana qoşulması onu deməyə əsas verir ki, TIR şousunun arxasında Fransa dayanır. Hesab edirəm ki, Azərbaycanın Ağdam-Xankəndi marşrutu üzrə göndərdiyi yüklər gec-tez bölgəyə çatdırılmalı, çox tez bir zamanda bu proses bizim xeyrimizə yekunlaşmalıdır".

“Bundan sonra ermənilərin daha bəhanələri qalmayacaq. Separatçıların, erməni lobbisinin və onların arxasındakı güclərin guya ermənilərin sosial problemlərinin həllinə Azərbaycanın imkan vermədiyini, mühasirədə saxlanıldığını deməyə əsasları olmayacaq. Biz bu yardımı göndərməklə ermənilərə kömək əlimizi uzatmağa hazır olduğumuzu göstəririk. Pasportlarımızı daşıyıb, qanunlarımıza tabe olsalar, digər problemlərin həlli də mümkündür”.

“Göndərdiyimiz yardımı qəbul etməsələr, biz indiyə qədər aparılan kampaniyanın təxribat olduğunu beynəlxalq aləmə göstərməliyik. Deməliyik ki, "baxın, biz yardım göndəririk, lakin separatçılar bu yardımların Qarbağdakı ermənilərə çatmasına mane olur". Buna görə də, ağıl və məntiqləri olsa, buna əngəl yaratmazlar. Yardım gedib Ağdam yolu ilə Xankəndidəki ermənilərə çatdırılar. Müəyyən ərzaq problemləri həll edilər. Sonrakı mərhələdə danışıqlar masasında başqa məsələlərin həlli mümkündür. Qarabağ separatçıları isə Azərbaycan qanunlarına tabe olmayacaqlarını, pasportlarımızı daşımayacaqlarını deyirlər. İstəyirlər ki, Laçın yolu da açıq olsun və istənilən nəqliyyat vasitəsi Xankəndiyə gəlsin. Bu mümkün deyil, mümkün olmayacaq da. Bu baxımdan bizim beynəlxalq aləmə də ciddi mesajlarımız var".