“AZAL təyyarə parkını böyüdür: Braziliya “Embraer”ləri gündəmdə”

“Bakupost” xarici mətbuata istinadən xəbər verir ki, məsələ AZAL-ın baş direktoru Samir Rzayevlə Braziliyanın Azərbaycandakı səfiri Bernard Jorg Leopold de Garcia Klingl arasında keçirilən görüşdə müzakirə olunub.

Tərəflər AZAL-ın təyyarə parkının yenilənməsi, marşrut şəbəkəsinin genişləndirilməsi, eləcə də Azərbaycanla Braziliya arasında aviasiya sahəsində əməkdaşlığın inkişaf perspektivləri ətrafında fikir mübadiləsi aparıblar.

Görüşdə Braziliya aviasiya sənayesinin əsas istehsalçılarından olan “Embraer” şirkətinin təyyarələri də müzakirə mövzusu olub.

“Biz təyyarə parkının yenilənməsi, marşrut şəbəkəsinin genişləndirilməsi və Azərbaycanla Braziliya arasında aviasiya sektorunda əməkdaşlığın daha da inkişaf etdirilməsi imkanları barədə fikir mübadiləsi apardıq. Həmçinin Braziliya aviasiya sənayesinin əsas oyunçularından olan “Embraer” şirkətinin istehsal etdiyi təyyarələri də müzakirə etdik”, – deyə bildirilib.

Qeyd edək ki, AZAL-ın mövcud təyyarə parkında Braziliyanın “Embraer” şirkətinin istehsalı olan 7 təyyarə istismar edilir.