Bakıda sərnişinlərdən küsən avtobus sürücüsü...

"Bakupost" xəbər verir ki, bu barədə Oxu.Az-a "BakuBus" MMC-dən məlumat verilib.

Bildirilib ki, şirkətin istismarında olan 13 nömrəli müntəzəm marşrut xətti üzrə hərəkət edən avtobusda iyulun 9-da saat 16:30-da Koroğlu Rəhimov küçəsində sürücü ilə sərnişin arasında baş vermiş insident araşdırılıb.

Araşdırma zamanı sürücünün xidməti vəzifələrini yerinə yetirərkən pozuntuya yol verdiyi müəyyən edilib.

"Bununla əlaqədar sürücünün izahatı alınıb və Azərbaycan Respublikasının Əmək Məcəlləsinin tələblərinə uyğun olaraq müvafiq tədbirlər görülüb", - deyə açıqlamada qeyd olunub.

"BakuBus" MMC baş vermiş hadisəyə görə sərnişinlərdən üzr istəyib.

"Şirkət gələcəkdə bu kimi halların təkrarlanmaması məqsədilə sürücülərin xidməti fəaliyyətinə nəzarətin və daxili intizam mexanizmlərinin təkmilləşdirilməsi istiqamətində müvafiq tədbirləri davam etdirəcək", - məlumatda vurğulanıb.

Qeyd edək ki, Bakıda 13 nömrəli marşrut avtobusunun sürücüsünün hərəkəti sərnişinlərin narazılığına səbəb olub. Dayanacaqda sərnişinlərdən biri səhvən "Stop" düyməsini basıb. Bundan sonra sürücü avtobusu saxlayaraq qapıları bağlayıb, nəqliyyat vasitəsindən düşüb və yolun kənarında siqaret çəkməyə başlayıb.