Çin təkərləri təhlükəlidir – Qəza və xərçəng riski

Çin istehsalı olan avtomobil təkərləri ilə bağlı yayılan yeni laboratoriya məlumatları sağlamlıq təhlükəsi barədə ciddi narahatlıq yaradıb.

Bakupost.az xəbər verir ki, Rusiya keyfiyyət nəzarəti orqanının məlumatına görə, Çin təkərlərində aşkar edilən zərərli kimyəvi maddələrin konsentrasiyası normanı təxminən 8 dəfə aşır. Bu isə onların əhəmiyyətli dərəcədə təhlükəli olduğuna işarə edir. Benzapiren kimi maddələr isə tütün və asbestlə eyni kateqoriyaya aid təhlükəli təsirə malikdir.

Problemin kökündə təkərlərin istehsalında xammal olaraq istifadə olunan ucuz aromatik yağlar dayanır. Bu maddələr təkərlərin dəri ilə təmas və ya hərəkət zamanı yüksək səviyyədə zərərli komponentləri hava və suya buraxa bilər. Nəticədə uzunmüddətli sağlamlıq problemləri – allergik reaksiya, tənəffüs sisteminə təsir və xərçəng riskləri arta bilər. Bu cür maddələr ümumiyyətlə, qadağan olunub və ya ciddi miqdarda məhdudlaşdırılıb.

Dünya standartlarına görə, “hidrogenlər sahəsi” kimi müəyyən edilən zərərli maddələrin konsentrasiyası 0,25%-dən yuxarı olmamalıdır. Lakin Çin təkərlərində bu göstərici 1,93% ə qədər yüksəlib, bu da kimyəvi təhlükəsizliklə bağlı ciddi sual doğurur.

Problemin ciddiliyi səbəbindən Avropa Komissiyası (Aİ) Çin istehsalı olan təkərlərin idxalı ilə bağlı araşdırma başladıb. Aİ daxilində təkər idxalının lisenziyalaşdırılması və ədalətsiz rəqabət mühitinin yaradılması iddiaları ilə bağlı sənəd dərc olunub. Bu da beynəlxalq səviyyədə Çin təkərlərinə qarşı tədbirlərin mövcud olduğunu göstərir.

Çin təkərlərinin suya qarşı zəif davranış göstərdiyi də vurğulanır. Bu, qəzalarla bağlı narahatlığı artırır.

Üstəlik, təkər hissəcikləri mikroplastik çirklənməyə də ciddi təsir göstərir və ətraf mühitə öz təsirini artırır. Araşdırmalar göstərir ki, avtomobil təkərlərinin aşınması ekoloji yükü artıra bilər, bu da həm havanın keyfiyyətinə, həm də su mənbələrinə ciddi təsir edir.

Nəqliyyat mütəxəssisləri sürücülərə çox aşağı qiymətli və qeyri- standart təkərlərə üstünlük verməməyi məsləhət görür. Çünki bu təkərlər riskləri artırmaqla yanaşı, həmçinin arzuolunmaz sağlamlıq nəticələrinə gətirib çıxara bilər.

Cavid, BakuPost