“Daçnik” çimərliyinə axan kanalizasiya suyudur? - Rəsmi açıqlama - VİDEO

“Bakupost” xəbər verir ki, bu barədə Patrul.az saytı məlumat yayıb.

Məlumata görə, çirkab suları ərazidəki fərdi yaşayış evləri və iaşə obyektlərindən çəkilən borular vasitəsilə birbaşa insanların çimdiyi sahil xəttinə axıdılır.

İddialara görə, qəsəbədə yerləşən bağ evlərinin, villaların və fərdi mülklərin böyük hissəsində mərkəzləşdirilmiş kanalizasiya şəbəkəsi olmadığından sakinlər və obyekt sahibləri tullantı sularını xüsusi çənlərə (şambolar) toplamaq əvəzinə, asan yolu seçərək dənizin içinə uzanan fərdi borular vasitəsilə birbaşa Xəzərə ötürürlər.

“İlkin vizual baxış zamanı sözügedən axarın qrunt sularından formalaşdığı təxmin edilərək axıdılan suyun tərkibinin dəqiqləşdirilməsi məqsədilə analiz nümunəsi götürülərək laboratoriyaya təqdim olunub.

Həmçinin sözügedən boruya qoşulma hallarının müəyyən olunması məqsədilə borunun hərəkət istiqamətində keçirilən baxış zamanı hər hansı müəssisədən və ya fərdi yaşayış evindən qoşulma halına rast gəlinməyib.

Laborator analiz nəticələri məlum olduqdan sonra qanunamüvafiq tədbirlərin görülməsi təmin edilərək mətbuata əlavə məlumat veriləcək”, - deyə məlumatda bildirilib.