Dünən axşam saatlarında İlam əyalətinin Abdanan şəhərində kütləvi etirazlar baş verib. Məlumata görə, şəhər sakinləri geniş şəkildə küçələrə çıxıb.
Bakupost.az yerli mənbələrə istinadən xəbər verir ki. Abdananda “Ofogh Kourosh” mağazasına daxil olan şəxslər düyü kisələrini cıraraq yerə səpiblər. Hadisə zamanı şəhərdə vəziyyət xeyli gərginləşib.
Təxminən bir saat sonra təhlükəsizlik qüvvələrinin şəhərdən çəkildiyi, nəzarətin isə etirazçıların əlində qaldığı iddia olunur. Bununla yanaşı, Abdananda elektrik enerjisinin kəsildiyi, internetin isə əksər ərazilərdə tamamilə dayandığı və ya ciddi şəkildə zəiflədiyi bildirilir.
Cavid, BakuPost