Həbsdə olan sağçı Le Pen Fransada lideridir: Makron gedir?

Bakupost.az xəbər verir ki, Fransada Prezident seçkiləri bu həftə keçirilsəydi, Le Pen birinci turda səslərin 34%-dən 36%-ə qədərini toplaya bilərdi.

Qeyd edək ki, iyulun 7-də Paris Apelyasiya Məhkəməsi Marin Le Penin həbs cəzasını üç ilə endirib, onun da iki ili şərti cəza ilə cəzalandırılıb. Məhkəmənin bu qərarına əsasən Le Pen 2027-ci il seçkilərində iştirak etmək hüququ əldə edir.

Bildirilir ki, qərardan sonra siyasətçinin namizəd olacağını elan etməsi onun reytinqinə müsbət təsir göstərib.

Sorğunun nəticələrinə görə, mərkəz-sağçı Horizons partiyasının lideri və Fransanın keçmiş Baş naziri Eduard Filip isə ikinci yeri tutub.

Qeyd edək ki, Marin Le Pen bu ilin martın 31-də Avropa Parlamentində köməkçilərin işə götürülməsi üçün nəzərdə tutulmuş vəsaiti mənimsəməkdə təqsirli bilinərək, dörd il müddətinə həbs cəzasına məhkum edilib və ona beş il müddətinə dövlət vəzifələrində işləmək qadağan edilib.