Hindistan bu ölkədən 114 qırıcı təyyarə alır

Bakupost.az xəbər verir ki, bu barədə “Blumberq” məlumat yayıb.

Bildirilib ki, Hindistanın artıq 36 “Rafale” təyyarəsi var və aprel ayında qırıcı təyyarələrin 26 dəniz versiyasını almaq üçün müqavilə imzalayıb.

Mənbələrə görə, 114 təyyarənin bir neçəsi istisna olmaqla, hamısı Hindistanda texnologiyanı hind tərəfdaşlarına ötürəcək Fransa müdafiə nəhəngi ilə birgə istehsal olunacaq. Plana əsasən, texnologiya transferi başa çatdıqdan sonra təyyarənin korpusu, avionikası və mühərriki də daxil olmaqla, 50-60%-i Hindistan istehsalı olan komponentlərdən ibarət olacaq.

Qeyd edilir ki, Yeni Dehli Fransa istehsalı olan hərbi texnikaların ən böyük alıcısıdır.