İki müsəlman ölkəsi Ramazanda niyə müharibəyə başladı?

Bakupost.az xəbər verir ki, bu barədə mühacir jurnalist Elbəyi Həsənli qeyd edib.

“İki ölkə arasındakı əsas problem 1893-cü ildə britaniyalıların çəkdiyi Durand xəttidir. Əfqanıstan bu sərhədi legitim hesab etmir. Bu mübahisə yüz ildən artıqdır davam edir.

İkinci və daha real səbəb isə TTP – Pakistan Talibanıdır. Pakistan iddia edir ki, bu qrup Əfqanıstan ərazisində sığınacaq tapır və oradan Pakistana hücumlar təşkil edir. Son illərdə Pakistanda terror aktlarının artması İslamabadı sərhədin o tayına zərbələr endirməyə vadar edib.

2021-ci ildən sonra Talibanın hakimiyyətə qayıtması isə vəziyyəti mürəkkəbləşdirdi.

Ramazan isə dövlətlər üçün hərbi əməliyyatları avtomatik dayandıran faktor deyil. Tarixdə dəfələrlə müsəlman ölkələri müqəddəs ayda müharibə aparıb”, - o vurğulayıb.

Qeyd edək ki, ötən gündən Pakistan və Əfqanıstan arasında toqquşmalar başlayıb. İndiyədək onlarla əsgərin öldüyü iddia edilir.