İran “Cəza Komitəsi” yaratdı – Müharibə çağırışlarına qarşı mübarizə aparacaq

İranda “Cəza Komitəsi” adlı yeni qurum yaradılıb.

Bakupost.az Güney Azərbaycan “Telegram” kanallarına istinadən xəbər verir ki, bu barədə İranın “Tabnak” xəbər agentliyi məlumat yayıb.

Bildirilib, komitə “sosial mediada müharibəni qızışdırmaq və buna çağırış etmək”də ittiham olunan şəxslərin məsuliyyətə cəlb edilməsi məqsədilə fəaliyyət göstərəcək. Qurum “Xəyanət artıq cəzasız qalmayacaq” prinsipi ilə işləyəcək.

Məlumatda qeyd olunur ki, son günlər fəaliyyətə başlayan komitə vətəndaşları ölkəyə qarşı “xəyanət” etdiyini düşündükləri şəxslər barədə məlumat verməyə çağırır. İnsanlardan bu cür hallarla bağlı sübut və məlumatları komitəyə təqdim etmələri istənilir.

Toplanan məlumatların daha sonra məhkəmə və hüquq-mühafizə orqanlarına təqdim ediləcəyi və ittiham olunan şəxslərin qanun qarşısında cavab verməsinin təmin olunacağı bildirilir.

Cavid, BakuPost