Kiyev meri sakinlərə səsləndi – “Paytaxtı tərk edin”

Ukraynanın paytaxtı Kiyevdə kritik infrastrukturun ciddi zərər görməsi fonunda şəhər meri Vitaliy Kliçko sakinlərə mümkün olduğu halda şəhəri müvəqqəti tərk etməyi tövsiyə edib.

Bakupost.az xəbər verir ki, bu barədə Kliçko özünün “Telegram” səhifəsində məlumat yayıb.

Paytaxt merinin açıqlamasına görə, gecə saatlarında Rusiya ordusunun həyata keçirdiyi kütləvi hava hücumları nəticəsində Kiyevin infrastrukturuna ciddi ziyan dəyib. Şəhərin yarısı – təxminən 6 000 çoxmərtəbəli yaşayış binası hazırda istiqrazsız qalıb və su təchizatında kəsintilər davam edir.

Mer bildirib ki, kommunal xidmətlər təcili rejimdə fəaliyyət göstərir, sosial obyektlərin — xüsusilə xəstəxanalar və doğum evləri — istiliklə təminatı üçün mobil qazanxanalarla təchiz olunur. Elektrik və istilik xidmətlərinin bərpası üçün işlər davam etdirilir.

“Bu gecə Kiyevə qarşı yönəldilən hücum şəhərin kritik infrastrukturuna qarşı indiyə qədər ən ciddi zərbə idi”, — Kliçko qeyd edib və hava şəraitinin qəfil soyumasının əlavə çətinliklər yaratdığını vurğulayıb.

“Mümkün olduqda, alternativ enerji və istilik mənbələri olan yerlərə müvəqqəti köç etməyi düşünün”, – deyə Kliçko xəbərdarlıqda bildirib.

Bu çağırış tam evakuasiya tələbi deyil – mer onu müvəqqəti köç və şəraitdən asılı çölə çıxma kimi qiymətləndirib. O, Kiyеv sakinlərinin təhlükəsizlik və rifahı üçün müxtəlif ssenarilərə hazır olmalarının vacibliyini vurğulayıb.

Hazırkı şəraitdə şəhərdə enerji və su problemləri ilə yanaşı soyuq qış havası sakinə ciddi çətinlik yaradır və səlahiyyətlilər vəziyyəti “təcili humanitar çətinlik” kimi qiymətləndiriblər.

Cavid, BakuPost