“Nestle”nin 12 ton şokoladı oğurlandı, qazanan yenə özü oldu

“Bakupost” xəbər verir ki, şirkət oğurluq hadisəsini gizlətmək əvəzinə, sosial şəbəkələrdə zarafatla paylaşaraq geniş ictimai maraq yaradıb. Paylaşım qısa müddətdə yüz minlərlə bəyənmə toplayıb.

Daha sonra “Nestle” istifadəçilərə məhsulun oğurlanan partiyaya aid olub-olmadığını yoxlamağa imkan verən xüsusi izləmə sistemi hazırlayıb. Kampaniya nəticəsində 2,2 milyondan çox istifadəçi bu platformadan yararlanıb, “KitKat”ın gündəlik sosial media baxışları isə 1 milyondan 29 milyona yüksəlib.

Şirkətin məlumatına görə, kompaniya cəmi 10 gün ərzində reklam ekvivalenti baxımından təxminən 224 milyon dollarlıq media dəyəri yaradıb.

“Nestle” rəsmiləri bildiriblər ki, bu təcrübə gözlənilməz hadisələrə çevik reaksiya verməyin brendlər üçün mühüm üstünlük yaratdığını göstərir.