Ohanyan üzə çıxdı – “Azərbaycan XTQ-ni, Ermənistan isə polisi gücləndirir”

“Azərbaycan demək olar ki, gündəlik rejimdə yeni xüsusi təyinatlı bölmələr yaradaraq xüsusi təyinatlı qüvvələrini (XTQ) artırarkən, Ermənistanda isə polis gücləndirilir”.

Bakupost.az Ermənistan mediasına istinadən xəbər verir ki, bu sözləri Ermənistanın sabiq müdafiə naziri, parlamentdəki “Ermənistan” bloku müxalif fraksiyasının rəhbəri Seyran Oqanyan “Yerablur”da jurnalistlərlə açıqlamasında bildirib.

Ohanyan xüsusilə Paşinyan hökumətinin yeni silah növləri alması ilə fəxr etməsini yersiz hesab edib: “Şəxsən mən hesab edirəm ki, keçən 5 il itirilmiş zamandır. Daha çox iş görülə bilərdi. Məsələn, yeni milli təhlükəsizlik strategiyası hazırlamaq və orduda yeni vəzifələrə uyğun struktur dəyişiklikləri həyata keçirmək olardı”.

“Rəqib sülh barədə danışır, amma bununla yanaşı yeni xüsusi təyinatlı bölmələr yaradır. Və bunu gündəlik rejimdə edir. Ermənistanda isə bunun əvəzinə xüsusi polis qüvvələri yaradılır”, – deyə S.Ohanyan bildirib.

Cavid, BakuPost