“Oskar” qalibləri açıqlandı - 40 ildən sonra gələn uğur

Bakupost.az xəbər verir ki, dünyanın müxtəlif ölkələrindən kino ulduzlarının, rejissorların və prodüserlərin qatıldığı tədbir ənənəvi olaraq “Dolby Theatre” səhnəsində baş tutub.

Qırmızı xalça üzərində ulduzların ard-arda görünməsi, fotoaparatların fasiləsiz işıqları və salonu dolduran alqış səsləri gecəni əsl kino bayramına çevirib. Hollivudun ən nüfuzlu mükafatı uğrunda mübarizə isə bu il xüsusilə gərgin olub.

Axşamın kulminasiya anı “Ən yaxşı film” nominasiyasının elan olunması zamanı yaşanıb. Münsiflər heyətinin qərarına əsasən, əsas mükafatı “One Battle After Another” ((“Dava üstünə dava”) qazanıb. “Ən yaxşı rejissor” mükafatına layiq görülən rejissor Paul Tomas Anderson isə səhnədə uzun sürən alqışlarla qarşılanıb.

Bu il aktyor nominasiyalarında da diqqət çəkən nəticələr qeydə alınıb.

“Ən yaxşı kişi aktyor” mükafatını amerikalı aktyor Maykl B. Cordan qazanıb. O, bu mükafata “Sinners” filmində eyni vaxtda iki obrazı – əkiz Elias qardaşlarnı canlandırdığına görə layiq görülüb. Bu qələbə aktyorun karyerasında ilk nominasiyadan sonra qazandığı ilk “Oskar”ı olub. Cordan bu nominasiyada Hollivudun Sidney Poitier, Denzel Vaşinqton, Cemmi Foks, Forest Vaytaker və Uill Smit kimi nəhəng ulduzların daxil olduğu “Ən yaxşı kişi aktyor” nominasiyasında qalib gələn azsaylı afroamerikalı aktyorların siyahısına düşüb. Qalib elan edilərkən zal onu ayaq üstə alqışlarla qarşılayıb. Emosional çıxış edən Cordan ailəsinə və filmin rejissoru Rayan Kuqlerə təşəkkür edib.

“Ən yaxşı qadın aktrisa” mükafatını Cessi Bukli qazanıb. O, bu mükafata “Hamnet” filmindəki emosional performansı – Şekspirin oğlu Hamnetin dramını əks etdirən ana rolunu uğurla canlandırdığı üçün layiq görülüb. Əvvəllər Britaniya və Avropa kino mükafatlarında bir neçə dəfə yüksək mükafatlar qazanan Bukli ilk dəfə “Oskar”a layiq görülüb. Qalib elan edilərkən aktrisa çıxışında həm şəxsi həyatı, həm də film komandasının əməyi üçün təşəkkürlərini bildirib, zal isə onu uzun sürən alqışlarla qarşılayıb.

“Ən yaxşı ikinci plan aktyoru” mükafatını amerikalı aktyor Şon Pen qazanıb. O, bu mükafata “One Battle After Another” filmində canlandırdığı polkovnik Steven J. Lockjaw obrazına görə layiq görülüb. Bu Pennin karyerasında üçüncü “Oskar”ı olub. Aktyor daha əvvəl “Ən yaxşı kişi aktyor” nominasiyasında iki dəfə 2004-cü ildə “Mystic River” (“Sirli çay”) və 2009-cu ildə “Milk” (“Süd”) filmlərindəki performansına görə qalib gəlmişdi. Bununla belə, Penn bu dəfə mükafatı almaq üçün mərasimdə iştirak etməyib və qalibin adı elan olunarkən onun zalda olmadığı məlum olub.

“Ən yaxşı ikinci plan aktrisası” mükafatını amerikalı aktrisa Emi Medigan qazanıb. O, bu mükafata “Weapons” (“Silahlar”) filmindəki roluna görə layiq görülüb və bu, aktrisanın karyerasında ilk “Oskar” qələbəsi olub. Madigan bundan əvvəl yalnız bir dəfə – 1986-cı ildə “Twice in a Lifetime” (“Həyatda iki dəfə”) filmindəki roluna görə eyni nominasiyada namizəd göstərilmiş, lakin qalib ola bilməmişdi. Beləliklə, onun ilk nominasiyası ilə “Oskar” qazanması arasında təxminən 40 illik fasilə yaranıb ki, bu da mükafatın tarixində ən uzun fasilələrdən biri hesab olunur.

Mərasimdə bir sıra digər mühüm nominasiyalar üzrə də qaliblər açıqlanıb:

Ən yaxşı beynəlxalq film: “Sentimental Value” (“Mənəvi dəyər”)

Ən yaxşı animasiya filmi: “KPop Demon Hunters” ((“Kpop: İblis ovçuları”)

Ən yaxşı sənədli film: “Mr. Nobody Against Putin” (“Cənab Heç kim Putinə qarşı”)

Ən yaxşı vizual effektlər: “Avatar: Fire and Ash” (“Avatar. Od və kül”)

Builki “Oscar” mərasimində dramatik və aksiyon janrını birləşdirən “Sinners” (“Günahkarlar”) gecənin ən parlaq qaliblərindən biri olub. “Ən yaxşı kişi aktyor”, “Ən yaxşı ssenari”, “Ən yaxşı kinematoqrafiya”, “Ən yaxşı montaj”, “Ən yaxşı səhnə dizaynı” və başqa bir neçə texniki kateqoriyada qələbələr qazanan film, ümumilikdə 16 nominasiya üzrə mübarizə aparıb. Həm texniki, həm də dramatik baxımdan Akademiyanın səsini qazanaraq gecənin ən çox mükafat alan filmi kimi tarixə düşüb. Rejissoru Rayan Kuqler olan ekran əsərində cəmiyyətin ədalət sistemi və qardaşlıq mövzularını ustalıqla əks etdirərək vizual və emosional gərginliyi maksimuma çatdırıb.

Ən çox nominasiyaya qatılan ikinci film “One Battle After Another” (“Dava üstünə dava”) olub. Ümumilikdə 12 kateqoriyada mübarizə aparan film “Ən yaxşı film”, “Ən yaxşı rejissor”, “Ən yaxşı ikinci plan kişi aktyoru” və bir neçə texniki nominasiyada qalib olub.

“Ən yaxşı beynəlxalq film” nominasiyasının qalibi “Sentimental Value” (“Mənəvi dəyər”) olub. İtaliya istehsalı olan filmdə rejissoru Luka Quadaqnino ailə, yaddaş və keçmişlə üzləşmə mövzularını emosional və vizual zənginliklə təqdim edib. “Sentimental Value” bu nominasiyada Fransa, Yaponiya və Braziliyadan olan güclü rəqibləri üstələyərək qalib olub. Bu Quadaqninonun ilk “Oskar”ı, İtaliyanın isə 10 ildən sonra beynəlxalq film kateqoriyasında qazanılmış ilk mükafatdır. Qalib elan edilərkən rejissor çıxışında filmi “ailə və yaddaş üzərində universal hekayə” adlandıraraq komandasına təşəkkür edib.

“Ən yaxşı animasiya filmi” nominasiyasının qalibi “KPop Demon Hunters” (“Kpop: İblis ovçuları”) olub. Cənubi Koreya istehsalı olan film rejissor Byunq-gil Kim tərəfindən hazırlanıb. Filmin süjeti müasir Seul şəhərində gənc qəhrəmanların iblislərlə mübarizəsini, həmçinin dostluq, fədakarlıq və özünü kəşfetməni əks etdirir. Vizual üslubu neon rənglər və sürətli animasiya texnikası ilə diqqət çəkən film musiqi fonu “K-pop” janrının enerjisini tam şəkildə əks etdirib. Tənqidçilərdən yüksək qiymət alan “KPop Demon Hunters” gənc auditoriya arasında böyük populyarlıq qazanıb. Ekran əsəri bu kateqoriyada Cənubi Koreya üçün ilk “Oskar”ını qazanıb.

“Ən yaxşı sənədli film” nominasiyasının qalibi “Mr. Nobody Against Putin” (“Cənab Heç kim Putinə qarşı”) filmi olub. Bu sənədli layihə David Borenstein və Pavel Talankin tərəfindən hazırlanıb. Məktəbdə ədəbiyyat müəllimi Pavel Talankinin gizli kamera ilə Rusiya‑Ukrayna müharibəsinin əvvəllərində rus məktəblərində dövlət təbliğatının gündəlik təsirini çəkib. Talankin çəkdiyi gizli kadrlarda rejimin uşaqlara yönəlik “vətəndaşlıq və millətçilik” proqramının necə yayıldığı və müəllimin sonradan ölkəni tərk edib sürgün həyatı yaşaması əks olunub. Film “BAFTA” da daxil olmaqla bir sıra mükafatlara layiq görülüb.

“Ən yaxşı vizual effektlər” nominasiyasının qalibi növbəti dəfə də Ceyms Kameronun “Avatar” silsiləsinin növbəti filmi olub. “Avatar: Fire and Ash” (“Avatar. Od və kül”) filmi Pandora planetindəki yeni mübarizələr və ekoloji dram üzərində qurulmuş möhtəşəm fantaziya dünyasını vizuallaşdırıb. İnnovativ CGI texnologiyası, lazer və “motion capture” sistemlərinin birləşməsi ilə hazırlanan, həmçinin real çəkilişlər və virtual reallığın sintezini uğurla nümayiş etdirərən film kino texnologiyasının sərhədlərini genişləndirib. “Avatar: Fire and Ash” tənqidçilər tərəfindən vizual effektlərin mükəmməl uyğunluğu və detalları ilə yüksək qiymətləndirilib.

Azərbaycandan “Oskar” nominasiyalarına təqdim olunan “Tağıyev: Oil” (“Tağıyev. Neft”) filmi Güney Azərbaycanlı rejissor Cəfər Məmmədli tərəfindən ekranlaşdırılıb. Əsər Hacı Zeynalabdin Tağıyevin həyatını, xeyriyyəçilik fəaliyyətini və Bakı neft sənayesinin inkişafını dramatik şəkildə əks etdirir. 76 müxtəlif məkanda çəkilmiş, 2 500-dən çox aktyor və texniki heyət iştirak etmiş filmdə tarixi dövrü əks etdirmək üçün 300-dən çox dekorasiyadan istifadə olunub. “Tağıyev: Neft” “Ən yaxşı beynəlxalq film” nominasiyasında qalib gələ bilməsə də, Hollivuddakı nümayişində böyük maraq doğurub, beynəlxalq festival və təqdimatlarda yüksək qiymətləndirilib.

Dünya şöhrətli Güney Azərbaycanlı rejissoru Cəfər Pənahinin “It Was Just an Accident” (“Görünməmiş qəza”) “Ən yaxşı beynəlxalq film” nominasiyalarına namizəd olsa da qalib gələ bilməyib. 2015-ci ildə “Berlin Beynəlxalq Film Festivalı”nda ən yüksək “Qızıl ayı” mükafatını qazanan rejissorun filmi sonuncu “Kann Film Festivalı”nda ən yüksək mükafatı “Qızıl palma” qazanmışdı. “Oskar”a əsas mükafata iddialı sayılan filmin dramatik süjetində tehranlı Vahid adlı keçmiş məhbusun həyatından və mübarizəsindən bəhs edir. Film daha öncə “Qızıl qlobus” və “Gotham” mükafatlarında da yüksək qiymət almışdı.

Kino Akademiyasının təqdim etdiyi “Oscar” mükafatları artıq onilliklərdir ki, dünya kino sənayesinin ən prestijli mükafatı hesab olunur. Hər il olduğu kimi, bu dəfə də “Hollywood” səhnəsində qaliblərin sevinc göz yaşları, emosional çıxışları və uzun sürən alqışlar kino tarixinin növbəti parlaq səhifəsinə çevrilib.