Putin daşqında 23 nəfəri xilas edən autizimli gənci mükafatlandırdı - VİDEO

“Bakupost” xarici KİV-ə istinadla xəbər verir ki, autizm spektr pozuntusu olan 19 yaşlı gənc güclü axına baxmayaraq, heç bir təhlükəsizlik vasitəsi olmadan suya girərək insanları xilas edib. O, kömək səslərini eşidən kimi suya atılaraq, axının apardığı şəxsləri bir-bir çıxarıb.

Qəhrəmanlığına görə Şamil Ustarbekov “Hər şey Qələbə üçün” forumunda xüsusi mükafatla təltif olunub.

Putin bildirib ki, həmin gənclə şəxsən söhbət edib və ondan qorxub-qorxmadığını soruşub:

“Dedim, qorxdunuz? Dedi ki, bir az”.

Dövlət başçısı vurğulayıb ki, belə hallarda qorxu hissi normaldır, lakin insanların gücü çətinliklərin öhdəsindən gəlməkdədir.

Xatırladaq ki, bu ilin martında baş verən güclü daşqınlar Dağıstanda son 100 ilin ən böyük təbii fəlakətlərindən biri kimi qiymətləndirilib.