Rusiyadan ölkəmizə mal ixracı kəskin azalıb: 1 milyardlıq azalmanın səbəbləri

Onu da qeyd edək ki, 2026-cı ilin ilk səkkiz ayında Azərbaycanın Rusiyadan idxalı əvvəlki ilin eyni dövrü ilə müqayisədə 37,8 faiz azalaraq təxminən 2,5 milyard dollardan 1,5 milyard dollara düşüb.

Rusiyadan ölkəmizə idxalın azalma səbəbləri nədir?

ReAL Partiyasının sədri, iqtisadçı ekspert Natiq Cəfərli “Bakupost”a bildirib ki, bu idxalda azalmaya səbəb olan amillərdən biri pul köçürmələrilə bağlı yaşanan müəyyən problemlərdir:

“Burada Rusiyaya qarşı Qərbin sanksiyalarının gücləndirilməsi də öz sözünü deyir. Bundan başqa, Rusiya müəyyən müddət özünün istehsal etdiyi ərzaq məhsullarının ixracına qadağalar qoyub. Əsas məhdudiyyətlərdən biri də taxılla bağlı idi ki, bu qadağa da yenicə aradan qaldırılıb. Məhz Rusiya daxili bazarında yaşanan problemlər səbəbindən bir sıra məhsulların ixracına məhdudiyyətlər tətbiq etməli olub ki, bu da özünü digər ölkələr, o cümlədən Azərbaycanla ticarət dövriyyəsində azalmaların baş verməsində göstərib”.