Tariyel Qasımovun “ölü” ilə öpüş səhnəsinin sirri illər sonra açıldı - VİDEO

Bakupost.az "Yeni Sabah"a istinadla xəbər verir ki, bu sözləri Xalq artisti Tariyel Qasımov “Kanal S”də yayımlanan “Həftənin qonağı” verilişində deyib.

87 yaşlı aktyor cavanlıq illərini xatırlayıb. O, xanımların bu gün də onu çox bəyəndiyini bildirib:

“Mən qız kimi gözəl yox, kişi kimi yaraşıqlı idim. Bizimlə oxuyan bir qız var idi, “Romeo və Cülyetta” tamaşasında oynayırdı. Bu, imtahan tamaşası idi. Məşq edirik. əsərdə bir hissə var, səhnədə Romeo düşünür ki, Cülyetta ölüb. İçəri daxil olur, görür ki, Cülyetta uzanıb. Onun yatdığını, yaxud öldüyünü bilmək üçün Romeo Cülyettanı öpür. Təbii ki, öpüşdən sonra qadın ayılmalıdır.

Məşqdə mən Romeo olaraq tərəf müqabilimi öpür, amma o ayrılmırdı. Sonra məlum oldu ki, öpməyim elə qızın ürəyindən imiş. Özünü “ölülüyə” vurubmuş.

Amma bu hadisənin davamı olmadı. Xanımlar məni çox bəyənirdilər, populyar idim. Elə bu gün də özünü “ölülüyə” vuranlar var”.