Tram niyə Ukraynanın təslim olmağını istəyir?

Ardınca Tramp əlavə edib ki, Putin Ukrayna ilə sülh razılaşmasına nail olmağa hazırdır, lakin "bəzi insanlar onun razılığa gəlməsini çətinləşdiriblər".

ABŞ Prezidenti Avropa ölkələrini də Ukraynadakı vəziyyətə görə tənqid edib. Tramp iddia edib ki, Avropaya Ukrayna ilə bağlı kömək etsələr də, onlar burada xaos yaradıblar.

Siyasi şərhçi Arif Əliyev BakuPost.az-a bildirib ki, Tramp bu açıqlaması ilə əslində Ukraynanı təslim olmağa səsləyir:

“Tramp bütün cəhdlərlə, müxtəlif üsullardan istifadə etməklə Ukraynanı Rusiyanın şərtlərinə daha yaxın şərtlər əsasında müqavilə imzalamağa sövq edir. Tramp o cümlədən, çox zaman bu cür psixoloji təzyiq metodlarını da öz leksikonuna daxil edir. Belədə Ukraynadan tələb edir ki, tez bir zamanda razılığa gəlib müqaviləni bağlasın. Əks halda yaxın vaxtlarda daha ağır şərtlərin olacağı ilə hədələyir”.

Ekspertin fikrincə, cəbhədəki vəziyyət göstərir ki, Rusiya da əsasən irəliləyə bilmir, ümumən yerində sayır:

“Düzdür, qarşıdan yay ayları gəlir. Kiyev üçün kifayət qədər çətin olacaq. Bu əsasda da Tramp zəif bənd hesab etdiyi tərəfi sülhə getməsə, qarşıdakı dövrdə onun üçün daha çətin günlərin başlayacağı ilə qorxudur”.

Həmsöhbətimiz Trampın bu hədəsinin Kiyev üçün keçərli olacağını düşünmür:

“Ukrayna kifayət qədər düşüncəli hərəkət edir. Zelenskinin son çıxışları, yeni, daha etibarlı tərəfdaşlar axtarmaq cəhdi göstərir ki, hər halda o, təslimçilik yolunu seçməyib. Ona görə də Trampın bu hiyləsi də baş tutan deyil”.