Türkiyə kanallarının Azərbaycan cəmiyyətinə yaydığı təhlükəli yalan

Bakupost.az xəbər verir ki, bu sözləri politoloq Xaqani Cəfərli qeyd edib.

O bildirib ki, Ərol Mütərcimlər adında keçmiş hərbçi, hazırda isə siyasi təhlilçikliklə məşğul olan şəxs Zelenski və Consonu “müharibənin iki əsas günahkarı” elan edir:

“Mütəricimlər Zelenskinin “2-ci dərəcəli serialların 3-cü dərəcəli aktyoru səviyyəsində siyasətçi” olduğunu da iddia etməkdən çəkinmir.

Mehmet Okkan adlı istefada olan bir general isə Zelenski ilə Netanyahunu müayisə edirərək, ikisinin eyni cinayətləri törətdiyini və buna görə bir gün məhkəmə qarşısında cavab verəcəklərindən qorxduqlarını bildirir. Üstəlik bu zaman incə şəkildə onların ikisinin də eyni etnik mənşədən olmasına işarə edir. Bütün bu fikirlər Azərabyacana da yayılır və ictimai rəyin təhlükəli istiqamətə yönlənməsinə səbəb olur.

“Şoumen: Dünyanı sarsıdan və Vladimir Zelenskini liderə çevrilən işğal” (The Showman: Inside the Invasion That Shook the World and Made a Leader of Volodymyr Zelensky) kitabının müəllifi Saymon Şuster son müsahibələrinin birində Zelenski haqqında belə deyir: “Zelenskini qiymətləndirməmək olmaz. O, kifayət qədər güclü, hiyləgər və ağıllı oyunçudur. O, artıq təcrübəli hərbi rəhbər və diplomatdır”.

Zelenskinin Ağ Evdə Prezident Donald Trampın və vitse-prezident Cey Di Vensin qaba təzyiqi qarşısnda bir addım da geri atmaması, dövlətinin və xalqının maraqlarını mətanətlə müdafiə etməsi Şusterin dəyərləndirməsinin təsdiqidir.

Türkiyə televiziyalarının tirajladığı təhlükəli fikirlər Azərbaycan cəmiyyətində mənfi, hətta təhlükəli tendensiyaların yaranmasına səbəb ola bilər”.

Asena,

BakuPost