​Türkiyədə ən çox maaşı onlar alır - SİYAHI

Bakupost.az Metbuat.az-a istinadla xəbər verir ki, ölkənin ən çox gəlir gətirən peşələri siyahısında pilotluq ilk sıralarda qərarlaşıb.

Xüsusilə beynəlxalq reyslərdə xidmət edən kapitan pilotlar, uçuş saatları və təcrübələrinə uyğun olaraq çox yüksək maaş alırlar. Aviasiya sektorundakı sürətli böyümə bu sahədəki gəlir səviyyəsini hər keçən gün daha da yüksəldir.

Səhiyyə sektoru da yüksək qazanc statusunu qoruyan ən güclü sahələrdən biridir. Özəl xəstəxanalarda çalışan və ya şəxsi klinikası olan uzman həkimlər və cərrahlar Türkiyənin ən zəngin peşə qrupları arasında yer alır. Xüsusilə beyin cərrahiyyəsi, ürək-damar cərrahiyyəsi və estetik cərrahiyyə sahəsində fəaliyyət göstərən mütəxəssislərin aylıq gəlirləri astronomik rəqəmlərə çatır. Eyni zamanda, rəqəmsal transformasiyanın sürətlənməsi ilə proqram təminatı mühəndisliyi və süni intellekt mütəxəssisliyi də ən çox qazananlar sırasına daxil olub. Xüsusilə xarici şirkətlərə distant (uzaqdan) xidmət göstərən yerli mütəxəssislər, gəlirlərini xarici valyuta ilə qazandıqları üçün böyük maliyyə üstünlüyü əldə edirlər.

Böyük miqyaslı şirkətlərin idarəetmə heyətində əyləşən icraçı direktorlar (CEO) və digər üstün səlahiyyətli rəhbərlər (CFO, CTO) də gəlir reytinqlərində zirvədədir. Onların sabit maaşları ilə yanaşı, il sonu performans bonusları, səhm opsionları və əlavə ödənişləri ümumi qazanclarını 500 min lirənin çox üzərinə çıxarır. Müasir dövrdə təkcə diplom yox, həm də qlobal bazara inteqrasiya və böhran idarəetməsi kimi kritik bacarıqlar bu sahələrdə çalışan peşəkarları Türkiyənin ən çox maaş alan şəxslərinə çevirir.